بالاعا ەسىم تاڭداۋدا ەسكەرىلەتىن قاعيدالار

استانا. قازاقپارات - بالاعا جاقسى ەسىم قويۋ - اتا- انانىڭ مىندەتى، سوندىقتان ات قوياردا اسا ۇقىپتى بولعان ءجون.

پايعامبارىمىز (س. ع. س. ) ءبىر حاديسىندە: «قيامەت قايىمدا اركىم اتتارىڭمەن جانە اكەلەرىڭنىڭ ەسىمىمەن شاقىرىلاسىڭدار. ولاي بولسا بالالارىڭا جاقسى ات قويىڭدار»، - دەگەن (بۇحاري، ادەب، 108).

ۇل بالدارعا پايعامبارلاردىڭ، «ابد» تۇبىرىنەن باستالاتىن اللا ەسىمدەرىن قويعان جاقسى. ال قىزدارعا نازىك، جاعىمدى ەستىلەتىن، ماعىنالى ەسىم قويعان دۇرىس.

سابيگە ەسىم تاڭداۋدا كەلەسى ايتىلعاندار ەستە ساقتالۋى ءتيىس:

- ادام ءومىر بويى ءبىر ەسىممەن ءومىر سۇرەتىن بولعاندىقتان، ەسىمى ول ادامعا ىڭعايسىزدىق تۋدىرماۋى ءتيىس؛

- بارلىق جاستا ىڭعايلى ەستىلۋى ءۇشىن ايتىلۋىنا ءمان بەرۋ كەرەك؛

- ەسىم تاڭداۋدا اكە باستى ءرول اتقارادى. ءبىر حاديستە: «بالاعا جاقسى ەسىم قويۋ - پەرزەنتتىڭ اكەسىندەگى اقىلارىنان» دەلىنگەن (بايحاقي)؛

- بالاعا اكەسىنىڭ تەگى بەرىلەدى، ءتىپتى ەرلى-زايىپتىلار اجىراسىپ كەتكەن بولسا دا. اناسىنىڭ تەگى تەك بالانىڭ اكەسى كىم ەكەنى بەلگىسىز بولعان جاعدايدا عانا بەرىلەدى؛

- ەسىمدى جانۋار، ءيت، مىسىق اتتارىمەن بايلانىستىرىپ قويۋعا بولمايدى.

 

"ەلانا"