بيبىگۇل اقتان پرەزيدەنت ءومىرى جايلى فيلمنەن ادەيى شەتتەتىلگەنىن ايتتى - فوتو

استانا. قازاقپارات - نۇرسۇلتان ءابىش ۇلى نازاربايەۆتىڭ ءومىرى تۋرالى «جۇلدىزدار وسىلاي جانعان ەدى» تۋىندىسىن رەجيسسەر سەرگەي سنەجكين ءتۇسىرىپ، رولدەرگە اكتەرلەر مەن اكتريسالاردى ءوزى تاعايىنداعان بولاتىن.

دەسە دە، اكتريسانىڭ سوزىنە سەنسەك، ەلباسىنىڭ دينارا ەسىمدى قىزىنىڭ ءرولى رەجيسسەر ايەلىنە جاقپاعانى ءۇشىن ءوزى بۇيىرماعان.

بۇل تۋرالى Stan.kz سايتى حابارلايدى.

كەلەڭسىز جاعدايدىڭ سەبەبىن اكتريسانىڭ ءوزى ءتۇسىندىردى. «مەنى سەرگەي سنەجكيننىڭ شاتاق مىنەزدى ايەلىنە جاقپاعانىم ءۇشىن تۇسىرىلىمنەن الىستاتتى. وكىنىشتى، ارينە. نۇرسۇلتان ءابىش ۇلى نازاربايەۆتى قاتتى سىيلايمىن جانە وعان ارنالعان تۋىندىعا اتسالىسقىم كەلگەن ەدى. الايدا ەشتەڭكە ەتپەيدى، ماسكەۋگە بارىپ، كوپتەگەن جوبامەن اينالىساتىن بولامىن. ماعان دينارانىڭ ءرولى كىمگە بۇيىراتىنى قىزىق؟ مەنىڭ بىلۋىمشە، رەجيسسەر بارلىق رولگە اكتەرلەردى ءوزى تاعايىنداعان. ءبىراق ءوز سوزىنەن ايەلى ينەسسانىڭ قالاۋىن جوعارى قوياتىن سياقتى»، - دەپ اكتريسا ەشقانداي دا كوڭىلى تۇسپەيتىندىگىن جەتكىزدى.

اتالعان ءرول اكتريسا دينارا باقتىبايەۆاعا بۇيىردى. فيلمنىڭ العاشقى بولىمىندە نۇرسۇلتان نازاربايەۆتىڭ ءرولىن نۇرلان ءالىمجانوۆ سومداسا، سوڭعى بولىمىندە اتالعان ءرولدى بەرىك ايتجانوۆ ويناپ شىقتى. كارتينا 28 -ساۋىردەن باستاپ قالىڭ جۇرتشىلىق نازارىنا ۇسىنىلادى دەپ جوسپارلانۋدا.

وسى ۋاقىتقا دەيىن اكتريسا بيبىگۇل اقتان مەن شەرالىنىڭ بىرىگىپ تۇسكەن سۋرەتتەرىن كورگەن جەلى قولدانۋشىلارى ولاردىڭ اراسىندا سەزىم بار ەكەنىن ايتقان-دى. مۇنى قوس عاشىقتىڭ وزدەرى دە جاسىرمايتىن سىڭايلى. ەكەۋى وتاندىق ارنالاردىڭ بىرىنەن كورسەتىلگەن «نيچەگو ليچنوگو» دەپ اتالاتىن تەلەحيكايادا باستى ءرولدى سومداعان بولاتىن. مۇنىمەن قاتار، بيبىگۇل اقتاننىڭ 22 جاسىندا رەجيسسەر يۆان بۋرميستەرگە تۇرمىسقا شىققانى بەلگىلى. الايدا اكتريسانىڭ كۇيەۋىمەن اجىراسقان، اجىراسپاعانى تۋرالى اقپارات جوق.