گولوۆكين مەن ۋەيدتىڭ كەزدەسۋىن جۇرگىزگەن كوممەنتاتورلار سىننىڭ استىندا قالدى
كاسىپقوي بوكستان ورتا سالماقتاعى WBA (Super) ، IBO، WBC (Interim) جانە IBF تۇجىرىمدارى بويىنشا الەم چەمپيونى جەرلەسىمىز گەننادي گولوۆكين كەزەكتى جەڭىسىنە قول جەتكىزدى. لوس- اندجەلەستەگى «فورۋم» ارەناسىندا امەريكالىق دومينيك ۋەيدپەن كەزدەسكەن GGG نەبارى 6 مينۋتقا جەتكىزبەي قارسىلاسىن قۇلاتىپ، شارشى الاڭداعى 35- كەزدەسۋىن نوكاۋتپەن اياقتادى.
باسىلىمنىڭ جازۋىنشا، جەرلەسىمىزدىڭ جەڭىسىن ايتىپ سۇيىنشىلەگەن جۇرت اسىرەسە الەۋمەتتىك جەلىلەردە بەلسەندىلىك تانىتۋدا. دەگەنمەن، ينتەرنەت پايدالانۋشىلارى تەك گولوۆكيننىڭ جەڭىسىن عانا ايتىپ قويماي، «قازاقستان» تەلەارناسى تىكەلەي ەفيردە جۇرگىزگەن ترانسلياتسيانىڭ ساپاسىن دا ءسوز ەتۋدە. تەحنيكالىق ساپاسى ەمەس ارينە، بوكس كەشىن جۇرگىزگەن كوممەنتاتورعا سىن ايتىلىپ جاتىر.
«سىن ايتاتىندايى دا بار. بىرىنشىدەن، نەبارى 5 جارىم مينۋتقا سوزىلعان جەكپە-جەكتىڭ جارتىسىن قازاق ءتىلدى كوممەنتاتور اسحات ساعىناي ورىس تىلىندە جۇرگىزدى. ونىڭ ءتىل بايلىعىنا توقتالماي-اق قويالىق، ءبىراق بۇل تەلەونىمدەرىن 0 قازاقشا كورسەتەمىز دەپ ماقتانعان ۇلتتىق ارنا ەمەس پە؟ جارايدى، كوپ ۇلتتى ەلمىز، گولوۆكيندى بارشاسى كورگىسى كەلەتىن شىعار، وندا نەگە ورىس ءتىلدى كوممەنتاتوردى دا قاتار شىعارعان جوق؟»، - دەپ جازدى باسىلىم.
وتاندىق ب ا ق- تىڭ جازۋىنشا، كوممەنتاتورعا تاعىلار تاعى ءبىر سىن - ول ەفيرگە مۇلدەم دايىندالماعان.
«ءبىز سولاي جورامالدادىق. دايىندالسا شاعىن بولسا دا تالداۋ جۇرگىزۋى ءتيىس ەدى. ماسەلەن، گولوۆكيننىڭ نەلىكتەن توپ-بوكسشىلارمەن كەزدەسە الماي جۇرگەندىگى، وسى سالماقتاعى مىقتىلار تۋرالى جاڭالىقتار، الداعى جوسپارلارى، بولجامدار جانە تاعىسىن-تاعى. ءبىراق، اسحات ساعىناي ول تۋرالى مۇلدەم ءسوز قوزعاعان جوق، تەك دومينيك ۋەيدتىڭ ءالسىز قارسىلاس ەكەنىن، رينگتە قورقىپ جۇرگەنىن جانە گولوۆكينگە مۇلدەم سوققى باتپايتىنىن قايتالاۋمەن بولدى. ءتىپتى، جەكپە-جەك بىتكەننەن كەيىنگى گولوۆكيننىڭ قىسقا عانا اعىلشىن تىلىندە بەرگەن سۇحباتىن قازاقشاعا اۋدارا العان جوق. بۇعان دەيىنگىلەرىن دە اۋدارماعان»، - دەپ جازدى باسىلىم.
باسىلىم سونداي-اق تەك جالعىز اسحات ساعىناي جايىندا ايتىپ وتىرماعىنىن ەسكەرتتى.
«جالپى، «قازاقستان» ارناسىنداعى قازاق ءتىلدى سپورت كوممەنتاتورلارىنىڭ تىم سوزگە جۇتاڭ، ىزدەنىسى جوق جالقاۋ ەكەنىن ايتقىمىز كەلىپ وتىر. ويتكەنى، گولوۆكيننىڭ بۇعان دەيىنگى جەكپە-جەكتەرىن كورسەتۋ كەزىندە دە ءدال بۇگىنگىدەي جاعدايلار ورىن الاتىن. جانە تەك بوكس كەشى عانا ەمەس، وزگە دە سپورتتىق ترانسلياتسيالار كەزىندە «قازاقستان» بولسىن، «قازسپورت» ارناسى بولسىن، تەلەديداردىڭ دىبىسىن ءوشىرىپ تاستاپ كورۋگە ءماجبۇر بولاسىڭ. ماسەلەن، كەشە عانا تاشكەنتتە دزيۋدودان ازيا بىرىنشىلىگى اياقتالدى. «قازسپورت» تەلەارناسى («قازاقستان» ر ت ر ك- عا قاراستى) ونى تىكەلەي ەفيردەن كورسەتكەن بولاتىن. الەم چەمپيونى ەلدوس سمەتوۆتىڭ بەلدەسۋىن جۇرگىزگەن كوممەنتاتور زالعا جينالعان وزبەك جانكۇيەرلەرىن دزيۋدو كورۋ ءۇشىن ەمەس، دالاداعى ىستىقتان قاشىپ كەلگەندىگىن ايتىپ، مىسقىلداپ وتىر. سونداي-اق، وسى كۇنى تاتاميگە شىققان قىتايلىق قىزداردىڭ دا تۇرلەرىنىڭ قىزعا ەمەس، جىگىتكە ۇقسايتىنىن ايتىپ ءبىر كۇلىپ الدى. قىسقاسى، ميلليونداعان كورەرمەنى بار ارناعا ادەكۆاتتى كوممەنتاتور كەرەك»، - دەپ وي تاستادى وتاندىق ب ا ق.
باسىلىم سونىمەن بىرگە فۋتبول ماتچتارىن قاراپ وتىرىپ تا قازاق كوممەنتاتورلارىنىڭ سوزگە جۇتاڭ ەكەنىن بايقاۋعا بولاتىنىن اتاپ ءوتتى.
«فۋتبول ماتچتارىن قاراساڭ دا قازاق كوممەنتاتورلارى «قارنىڭدى اشتىرادى». تىكەلەي ەفيردە ستاتيستيكا، تالداۋ، ساراپتاما ايتۋدىڭ ورنىنا فۋتبولشىلاردىڭ شىققان تەگى، تۋعان جەرى، تۋعان-تۋىستارى تۋرالى كەرەكسىز اقپاراتتارىمەن ءبولىسىپ وتىرعانى. كوپكە توپىراق شاشقىمىز كەلمەيدى دەيىن دەسەك، قازاق ءتىلدى سپورت كوممەنتاتورلارىنىڭ كوبى وسىنداي. كاسىبي كوممەنتاتورلار تەك «قازاقستان» مەن «قازسپورت» ارناسىندا عانا ەمەس، بۇكىل ەلدە جوقتىڭ قاسى. بالكىم ءىرى تەلەكورپوراتسيالارعا ارزان شوۋ- باعدارلامالاردان از ۋاقىتقا بولسا دا قول ءۇزىپ، بىلىكتى ماماندار دايارلايتىن مەكتەپتەر اشۋ كەرەك شىعار؟!»، - دەپ قورىتىندىلايدى باسىلىم.
دەرەككوز: Nur.kz