قىركۇيەكتەن باستاپ ەلىمىزدىڭ بارلىق مەكتەپتەرى ءبىلىم بەرۋدىڭ جاڭا مازمۇنىنا كوشە باستايدى
بۇگىن ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە وتكەن بريفينگتە ق ر ءبىلىم جانە عىلىم ءمينيسترى ەرلان ساعاديەۆ وسىلاي ءمالىم ەتتى.
«2016 - جىلدىڭ قىركۇيەگىنەن باستاپ قازاقستاننىڭ بارلىق مەكتەپتەرى فۋنكتسيونالدىق ساۋاتتىلىققا نەگىزدەلگەن ءبىلىم بەرۋدىڭ جاڭا تاسىلىنە كوشە باستايدى. وسىلايشا ءبىلىم بەرۋ سالاسىندا جاڭا مازمۇنعا كوشۋگە ءتورت جىل كەتەتىن بولادى. ماسەلەن، كەلەسى جىلى 2، 5، 7 - سىنىپتار، سودان كەيىنگى جىلى باسقا سىنىپتار بىرتىندەپ كوشەدى. وسىلايشا، 4 جىل ىشىندە ءبىز ەلىمىزدىڭ مەكتەپتەرىندەگى ءبىلىم بەرۋدىڭ مازمۇنىن تولىق جاڭارتاتىن بولامىز»، - دەدى ە. ساعادييەۆ.
ءمينيستردىڭ ايتۋىنشا، بارلىق دەڭگەيدە ءبىرىڭعاي بازالىق وقۋلىق قامتاماسىز ەتىلەدى. وسىنىڭ ارقاسىندا ءار وڭىردە ءارتۇرلى وقۋلىقپەن وقىتۋ مۇلدەم جويىلادى. «ءبىرىنشى سىنىپتا ءبىر وقۋلىقپەن وقىتىلىپ، ونىڭ ءىنىسى كەلەسى جىلى سىنىپقا كەلگەندە باسقا وقۋلىقپەن وقىتىلاتىن جاعداي بولمايدى. رەسپۋبليكامىزدا ءبىرىڭعاي بازالىق وقۋلىق قالىپتاسادى»، - دەدى مينيستر ە. ساعاديەۆ.
اۆتور: قانات مامەتقازى ۇلى