ايگىلى گولليۆۋد جۇلدىزى يسلام دىنىنە بەت بۇرماقشى

استانا. قازاقپارات - امەريكالىق بەلگىلى كينو جۇلدىزى ليندسي لوحان يسلام ءدىنىن قابىلداۋ تۋرالى ويعا ءتۇستى دەپ حابارلايدى ummet.kz.

وسىدان ءبىرشاما ۋاقىت جۋرناليستەر ونىڭ وزىمەن بىرگە قۇران كىتابىن الىپ جۇرگەنىن بايقاعان. ال جۋىردا كينواكتەر ب ا ق وكىلدەرىنە ءوزىنىڭ رۋحاني ىزدەنىستە ەكەنىن جاريا ەتتى.

The Sun باسىلىمى امەريكالىق ءارتىستىڭ يسلام دىنىنە ءجىتى دەن قويىپ، مۇسىلمان بولعىسى كەلەتىنىن مويىنداعانىن جازدى. ليندسي لوحان ءوز سوزىندە قۇراما شتات تۇرعىندارىندا قۇران تۋرالى دۇرىس تۇسىنىك جوق ەكەنىن اتاپ ءوتتى.

گولليۆۋد جۇلدىزى بۇل ىزدەنىستىڭ وزىنە جاڭاشا سەرپىن بەرىپ، ساناسىن سەرگىتەتىنىنە سەنىمدى. سونداي-اق، ول سوڭعى كەزدەرى قۇراندى باستان-اياق وقىپ، ماعىناسىن ءتۇسىنۋدى ماقسات ەتكەنىن جەتكىزدى.

«گولليۆۋدتىڭ تەنتەگى» اتالعان ءارتىس ۇساق بۇزاقىلىق بويىنشا سوت ءىسى وتكەن ۋاقىتتا دا يسلام جايىندا ءبىلىم الۋعا كوڭىل بولگەن كورىنەدى.