بالاسىن ۆاكسينالاۋدان باس تارتقان اتا-انا ونى دەنساۋلىق قۇقىعىنان ايىرادى - ا. سوي

استانا. قازاقپارات - بالاسىن ۆاكسينالاۋدان باس تارتقان اتا-انا ونى دەنساۋلىق قۇقىعىنان ايىرادى.

بۇل تۋرالى بۇگىن ق ر دەنساۋلىق ساقتاۋ جانە الەۋمەتتىك دامۋ ۆيتسە-ءمينيسترى الەكسەي سوي ءمالىم ەتتى.

«قازاقستاندا ۆاكسينا سالدارىنان تۋىنداعان ءولىم-ءجىتىم، مۇگەدەكتىكتىڭ بىردە-ءبىر جاعدايى تىركەلمەگەنىن اتاپ ايتقىم كەلەدى. سونىمەن قاتار، اتا-انالار ۆاكسينالاۋدان باس تارتۋ ناتيجەسىندە ءوز بالالارىنىڭ دەنساۋلىق قۇقىعىنان ايىراتىنىن ءبىلۋى ءتيىس»، - دەدى ا. سوي.

ونىڭ العا تارتقان دەرەكتەرىنە سايكەس، سوڭعى 20 جىل ىشىندە حالىقتى يممۋنداۋ ناتيجەسىندە قىزىلشامەن سىرقاتتانۋ 4000 ەسەدەن استام كورسەتكىشكە، كوكجوتەلمەن - 6,8 ەسەگە، ەپيدەميالىق پاروتيتپەن 181,6 ەسەگە، ا ۆيرۋستىق گەپاتيتىنە شالدىعۋ - 146 ەسەگە تومەندەگەن.

«ەگۋ كەزەڭىنە دەيىنگى ۋاقىتپەن سالىستىرعاندا بالالار اراسىندا «ۆ» ۆيرۋستىق گەپاتيتىمەن سىرقاتتانۋ 482 ەسەگە ازايعان. «ا» ۆيرۋستىق گەپاتيتى، سىرەسپە اۋرۋلارىنا شالدىعۋ كورسەتكىشى تومەن دەڭگەيدە ساقتالىپ تۇر. ديفتەريا، پوليوميەليت جاعدايلارى تىركەلىپ جاتقان جوق»، - دەدى ول.