مۇحاممەد ءاليدىڭ قىزىنا ايتقان ۋاعىزى
سونداعى بولعان وقيعانى حاننا الي ەسىنە الىپ، ءوز اۋىزىمەن اڭگىمەلەۋدە:
«...ءبىز ءسىڭىلىم لەيلا ەكەۋمىز اكەمنىڭ ۇيىنە كەلدىك، كولىك جۇرگىزۋشىسى ءبىزدى اكەمنىڭ اپارتامەنتىنە الىپ باردى. ادەتتەگىدەي، ول ءبىزدى قورقىتۋ ءۇشىن ەسىكتىڭ ارتىندا تىعىلىپ تۇر ەكەن. قۇشاقتاسىپ، حال سۇراسىپ بولعان سوڭ، اكەم بىزگە مۇقيات ءبىر قاراپ الدى. كەيىن تىزەسىنە وتىرعىزىپ، ەشقاشان ەسىمنەن كەتپەيتىندەي ءبىر ناسيحات ايتتى».
اكەم كوزىمە تۋرا قاراپ، بىلاي دەدى: «قىزىم حاننا، اللا بۇل ومىردە قۇندى ەتكەن نارسەنىڭ بارلىعى جاسىرىلعان، ءارى وعان وڭايلىقپەن قول جەتكىزە المايمىز. مىسالعا، گاۋحار تاستى قايدان الامىز؟ جەردىڭ جەتى قاباتىنان، جابىلعان، قورعالعان كۇيدە الامىز. ءىنجۋ مونشاقتى قايدان الامىز؟ مۇحيتتىڭ سوناۋ تەرەڭدىگىنەن ادەمى قابىرشاعىمەن قورعالعان كۇيدە الامىز. ال التىندى قايدان الامىز؟ ميلليون قابات جەر مەن تاس قاباتتارىنان قازىلعان شاحتادان الامىز. ولارعا جەتۋ ءۇشىن، ءبىراز ەڭبەك پەن تەر توگۋ كەرەك بولادى...».
ول ماعان سالماقتى كوزىمەن ءبىر قاراپ: «قىزىم حاننا، سەنىڭ ءتانىڭ گاۋحار تاس پەن ءىنجۋ مارجاننان دا ارداقتى، وتە باعالى، سوندىقتان سەن دە جابىق بولۋىڭ كەرەك»، - دەپ ءسوزىن اياقتادى.
mazhab.kz