استانادا يممۋنداۋ اپتالىعى وتەدى
ونكۇندىك شارانىڭ ماقساتى ۆاكسيناتسياعا قاتىستى قوعامنىڭ سەنىمىن، دەنساۋلىق ءۇشىن يممۋنداۋدىڭ ماڭىزى تۋرالى حالىقتىڭ اقپاراتتىلىق دەڭگەيىن ارتتىرۋ بولىپ تابىلادى.
بۇل تۋرالى ەلوردا اكىمدىگىنىڭ رەسمي سايتىندا حابارلادى.
استانا قالاسىنىڭ سالاۋاتتى ءومىر سالتىن قالىپتاستىرۋ ورتالىعىنىڭ ماماندارى يممۋنداۋدىڭ ماڭىزدىلىعى تۋرالى اقپاراتتىق- ءبىلىم بەرۋ ماتەريالدارىن تاراتتى. سونداي-اق، حالىق كوپ جينالاتىن ورىنداردا LED- مونيتورلار مەن لايتبوكستاردان، ساۋدا، ويىن-ساۋىق ورتالىقتارىندا، اۋەجايدا يممۋنداۋدىڭ ارتىقشىلىقتارى تۋرالى اۋديو- جانە بەينەروليكتەر روتاتسيالانادى.
ەلوردالىق مەديتسينا قىزمەتكەرلەرى ءۇشىن وسى كەزەڭدە ءتۇرلى سەمينارلار مەن ترەنينگتەر ۇيىمداستىرىلادى.
سوڭعى ۋاقىتتا ۆاكتسيناتسيادان باس تارتۋ جاعدايلارى جيىلەپ كەتتى. بۇل مەملەكەتتەگى ەپيدەميولوگيالىق جاعدايعا كەرى اسەرىن تيگىزۋى مۇمكىن. ورتالىق ماماندارىنىڭ پىكىرىنشە، حالىقتىڭ يممۋنوپروفيلاكتيكاعا قاتىستى سەنىمىن قالىپتاستىرۋ، حالىقتىڭ يممۋنوپروفيلاكتيكاعا سەنىمدى كوزقاراسىن قالىپتاستىرۋ، جۇقپالى اۋرۋلارعا قارسى قورعانىس قاجەتتىلىگى؛ ۆاكتسيناتسيادان باس تارتۋعا بايلانىستى قاۋىپ-قاتەر مەن سەبەپ-سالدار تۋرالى اقپاراتتاندىرۋ قاجەت.
ايتا كەتەيىك، 2015 -جىلى جىل سايىن ۆاكسينا جاسالاتىن ادامدار سانى 8100709 قۇرادى.