ق ح ر س ءى م: ن. نازاربايەۆ - ستراتەگيالىق ويلاۋ قابىلەتىنە يە ساياسي قايراتكەر
بۇل تۋرالى بريفينگ بارىسىندا ق ح ر س ءى م ەۋرازيا ىستەرى بويىنشا دەپارتامەنتىنىڭ ديرەكتورى گۋي سۋنيۋ (Gui Congyou) ءمالىم ەتتى.
«نۇرسۇلتان نازاربايەۆ - ستراتەگيالىق ويلاۋ قابىلەتىنە يە ساياسي قايراتكەر. قىتاي ايماقتىق جانە جاھاندىق قاۋىپسىزدىكتى قامتاماسىز ەتۋدەگى ىنتىماقتاستىق بويىنشا باستامالارىن قولدايدى. قازاقستان ا و س ش ك قۇرۋ باستاماسىن كوتەرگەن ەل رەتىندە ا و س ش ك مەحانيزمىنىڭ جالپى ازيا قاۋىپسىزدىگىنىڭ مەحانيزمىنىڭ ينستيتۋتسيونالدانۋىن ىنتالاندىرۋدا ماڭىزدى ءرول اتقارادى دەپ ۇمىتتەنەمىز»، - دەدى ول قازاقپارات ءتىلشىسىنىڭ سۇراعىنا جاۋاپ بەرگەندە.
ەسكە سالا كەتەيىك، 27-28- ساۋىردە بەيجىڭدە ازياداعى ءوزارا ىقپالداستىق جانە سەنىم شارالارى كەڭەسى سىرتقى ىستەر مينيسترلەرى كەڭەسىنىڭ 5- وتىرىسى وتەدى. شارا تاقىرىبى «ديالوگ ارقىلى قاۋىپسىزدىكتى قامتاماسىز ەتۋ» بولماق. ونىڭ قورىتىندىسى بويىنشا دەكلاراتسيا قابىلدانادى.