قىزىلوردالىق تايەكۆوندوشى اينۇر ەسبەرگەنوۆا وليمپيادا ويىندارىنىڭ جولداماسىنا قول جەتكىزدى
16:56, 17 - ءساۋىر 2016
قىزىلوردا. قازاقپارات - مانيلادا (فيليپپين) تايەكۆوندودان ءوتىپ جاتقان ازيالىق ليسەنزيالىق تۋرنيردە جەرلەسىمىز اينۇر ەسبەرگەنوۆا فينالعا شىعىپ، بىردەن وليمپيادا ويىندارىنا جولداما الدى.
بۇل تۋرالى وبلىستىق دەنە شىنىقتىرۋ جانە سپورت باسقارماسىنىڭ باسپا ءسوز قىزمەتى حابارلادى.
№1 وليمپيادالىق رەزەرۆ مەكتەبىندە ءتالىم الاتىن سپورتشىنىڭ جاتتىقتىرۋشىسى - نيكولاي كۋرنوسكين.
ەندى اينۇر فينالدا تايپەي سپورتشىسىمەن 1-ورىنعا باعىن سىنايدى. ايتا كەتەيىك، اينۇر - سىر وڭىرىنەن وليمپيادا ويىندارىنا 5- جولداما العان سپورتشى.
اۆتور: ەلۋباي اۋەزوۆ