قۇلپىنايدىڭ ادام دەنساۋلىعىنا پايداسى مول

نۇر- سۇلتان. قازاقپارات - قۇلپىنايدىڭ ادام دەنساۋلىعىنا پايداسى مول. وقىرمان نازارىنا ونىڭ ءبىرقاتار ۇسىنامىز.

1. قۇلپىناي جۇرەك- قان تامىرلارى اۋرۋلارىنىڭ الدىن الادى

بۇگىنگى تاڭدا بۇكىل الەم بويىنشا جۇرەك- قان تامىرلارى اۋرۋلارىنان قايتىس بولىپ جاتقان ادامدار سانى كۇن ساناپ كوبەيىپ كەلەدى. ەگەر بۇل جەمىستى ءوزىڭىزدىڭ اس مازىرىڭىزگە قوساتىن بولساڭىز، اتالعان اۋرۋدىڭ الدىن الۋعا بولادى. ويتكەنى، ونىڭ قۇرامىندا حولەستەرين دەڭگەيىن تومەندەتەتىن ەللاگوۆالىق قىشقىل بار. سونىمەن قاتار، قۇلپىنايداعى س دارۋمەنى قان تامىرلارىن قالىپتى دەڭگەيدە ۇستايدى.

2. قۇلپىناي جەمىسى بەتتەگى پيگمەنتتىك داقتاردى كەتىرەدى

ەگەر تەرىڭىزدى اعارتىپ، سەكپىلدەر مەن پيگمەنتتىك داقتاردان قۇتىلعىڭىز كەلسە، بەتىڭىزگە قۇلپىنايدان ماسكا جاساڭىز. الايدا اۋەلى بىلەگىڭىزگە جاساپ كورىڭىز. ەگەر ءبارى جاقسى بولسا، بەتىڭىزگە پايدالانىپ كورۋگە بولادى. مۇنداي ماسكانى اپتاسىنا 1-2 رەت جاساپ تۇرعان دۇرىس.

3. قۇلپىنايدان جاسالعان ماسكا بەزەۋ مەن قابىنۋعا قارسى كومەكتەسەدى

ەگەر تەرىڭىزگە ءتۇرلى بورتپەلەر شىعىپ مازالايتىن بولسا، وندا ويلانباستان قۇلپىنايدىڭ تۇيىنىنەن ماسكا دايىنداڭىز. سەبەبى، ونىڭ قۇرامىندا تەرى اۋرۋلارىمەن بەلسەندى كۇرەسەتىن انتيوكسيدانتتار بار.

4. بۇل جەمىس كارىلىكتەن دە ساقتايدى

قۇلپىنايداعى انتيوكسيدانتتار كارىلىكپەن كۇرەسەدى. ول ءۇشىن تۇسكى تاماقتان سوڭ 40 مينۋتتان كەيىن قۇلپىناي جەۋ قاجەت.

5. قۇلپىناي ءتىسىڭىزدى اعارتادى

قۇلپىنايدىڭ قۇرامىنداعى س دارۋمەنى ءتىستى سارعايۋدان قۇتقارادى.

6. كوزدىڭ كورۋىن جاقسارتادى

جىل وتە كەلە كوزىڭىزدىڭ كورۋى دە ناشارلاي تۇسەتىنى انىق. قۇلپىناي قۇرامىنداعى س دارۋمەنى، ورگانيكالىق قىشقىلدار، فلاۆونويدتەر كوز اۋرۋلارىنىڭ الدىن الادى.

massaget.kz سايتىنان الىندى.