قىتاي سوتى اقجارقىندى قازاقستانعا بەرەمە؟
«سوتتالعان قازاقستان ازاماتتارىن وزگە ەلدەن قايتارۋ ءۇشىن ەڭ ءبىرىنشى كەزەكتە جاقىندارىنىڭ ارىزى بولۋى كەرەك. 14- ساۋىردە حالقارالىق اكتىلەردىڭ تالابىنا ساي مەن اقجارقىننىڭ اناسى سەيتىموۆا زۋحرانىڭ اتىنان ق ر باس پروكۋراتۋراسىنا گۋاڭجوۋ سوتىمەن سوتتالعان اقجارقىندى قازاقستانعا ەكستراديتسيالاۋ تۋرالى ءوتىنىش جازدىم»، - دەگەن قورعاۋشى سۇڭقار نۇرماعامبەتوۆتىڭ ءسوزىن قازاقپارات كەلتىرگەن.
قورعاۋشىنىڭ ايتۋىنشا، ەگەر اپەللياتسيالىق ارىز قاناعاتتاندىرىلماسا، ياعني اقجارقىن ءومىر بويى باس بوستاندىعىنان ايرىلسا، ونى جاقىندارى قازاقستانعا اۋىستىرۋعا نيەتتى. ءوتىنىشتىڭ كوشىرمەسى ق ر س ءى م- ىنە جىبەرىلدى.
ايتا كەتۋ كەرەك، 2014-جىلى ناۋرىزدا 20 جاستاعى بويجەتكەن گۋاڭجوۋ اۋەجايىندا گەروينمەن ۇستالعان بولاتىن. قىتاي سوتى اقجارقىندى ءومىر بويى باس بوستاندىعىنان ايىرۋ تۋرالى ۇكىم شىعاردى. كەيىن قىزدىڭ وتباسى اپەللياتسيالىق شاعىم ءتۇسىردى.
almaty.tv