پاريجدە «قازاقستانمەن كەزدەسۋ» اتتى ينۆەستيتسيالىق فورۋم وتۋدە
شارانى قازاقستاننىڭ فرانسياداعى ەلشىلىگىنىڭ قولداۋىمەن «Business France» فرانسۋز مەملەكەتتىك ۇيىمى ۇيىمداستىرعان. اۋقىمى كەڭ بيزنەس-فورۋمعا 60 قا تارتا فرانسۋزدىڭ ءىرى جانە ورتا كومپانيالارى مەن قازاقستاننىڭ سىرتقى ساۋدا پالاتاسىنىڭ وكىلدەرى قاتىسىپ وتىر. بۇل تۋرالى پالاتانىڭ باسپا ءسوز قىزمەتىنەن حابارلاندى.
«الەمدىك ارەنادا قازاقستاندىق ينۆەستيتسيالىق كليماتتىڭ باسەكەگە قابىلەتتىلىگىن قامتاماسىز ەتۋ ماقساتىندا ەلىمىزدە جەتەكشى حالىقارالىق تاجىريبەلەرگە سايكەس جاعدايلار تولىق جاسالعان. قازاقستاننىڭ بيزنەس- قاۋىمداستىعى فرانسۋزدىق ارىپتەستەرىمەن ىنتىماقتاستىققا ءازىر، ولاردىڭ تاجىريبەلەرىن ەنگىزىپ قانا قويماي، بىرلەسكەن جوبالاردى جۇزەگە اسىرۋعا دا قىزىعۋشىلىق بار. سوعان بايلانىستى، قازاقستاننىڭ سىرتقى ساۋدا پالاتاسى ەكى ەلدىڭ كاسىپكەرلەرىنىڭ بەرىك ارىپتەستىگىن قالىپتاستىرۋ ءۇشىن كۇش-جىگەرىن جۇمسايتىن بولادى»، - دەدى فورۋمداعى سوزىندە ق ر سىرتقى ساۋدا پالاتاسى ءتوراعاسىنىڭ ورىنباسارى ءاليحان قاناپيا.
سونداي-اق، ول فرانسۋز ارىپتەستەرىنە ەكونوميكانىڭ باسىم سەكتورىنداعى ينۆەستيتسيالارعا جاسالاتىن جەڭىلدىكتەر، پاتەنتتىك قۇقىقتىڭ قورعالۋى، مەملەكەتتىك-جەكەشەلىك ارىپتەستىك ەرەكشەلىكتەرى تۋرالى اڭگىمەلەدى.
سونىمەن قاتار، فرانسۋزدىڭ ءبىرقاتار ءىرى بيزنەس وكىلدەرى مەن ەۋرازيالىق قايتا قۇرۋ جانە دامۋ بانكىنىڭ قازاقستانداعى وكىلى جانەت حەكمان قازاقستانداعى جۇمىس تاجىريبەلەرىمەن ءبولىستى. ال قازاقستانداعى فرانسيا ەلشىسى فرانتسيس ەتەنن ەلىمىزدەگى فرانسۋز بيزنەسى ءۇشىن مۇمكىندىكتەرگە توقتالىپ، بيزنەس-قاۋىمداستىقتى قازاقستانعا قاراي باتىل قادام باسۋعا، بەلسەندىرەك بولۋعا شاقىردى.
فورۋمنىڭ قورىتىندىسىندا قازاقستان سىرتقى ساۋدا پالاتاسى باسقارما ءتوراعاسىنىڭ ورىنباسارى «В2В» فورماتىندا ءبىرقاتار ەكىجاقتى كەزدەسۋلەر وتكىزدى. وندا فرانساز كومپانيالارىنىڭ وكىلدەرى قازاقستانعا ىسكەرلىك ساپارمەن كەلۋگە نيەتتەستىگىن ءبىلدىرىپ، ىسكەرلىك ميسسيالار وتكىزۋ ءۇشىن اقپاراتتىق جانە ۇيىمداستىرۋشىلىق قولداۋلار سۇراعان.
اۆتور: قانات مامەتقازى ۇلى