رەنتگەنگە ءتۇسۋ ادام دەنساۋلىعىنا زيان با؟

استانا. قازاقپارات - ماسەلە ادام دەنساۋلىعىنا كەلگەن كەزدە ءاربىرىمىز دۇرىس ەم قابىلداپ جاتىرمىز با، بۇل ءدارىنىڭ اسەرى قالاي بولادى ەكەن دەپ ويلاناتىنىمىز شىندىق.

ال فليۋوروگرافياعا(رەنتگەنگە) تۇسەتىن كەزدە اڭگىمە مۇلدەم بولەك. ويكەنى ول جايىندا اركىم ءارتۇرلى اقپارات بەرەدى. نازارلارىڭىزعا مامانداردىڭ بەرگەن كەڭەسىن ۇسىنامىز.

فليۋوروگرافيانىڭ قاۋىپسىزدىگى جايلى ادامداردا تۋاتىن كۇدىكتەر بىرنەشە سەبەپتەردەن پايدا بولادى: بىرىنشىدەن، كەيبىر جاعدايلاردا مىندەتتى تۇردە فليۋوروگرافيادان ءوتۋ تۋرالى انىقتاماسى تالاپ ەتىلەدى، بۇل پروسەدۋرا جىلىنا ءبىر رەت عانا ءوتۋ ۇسىنىلادى. ەكىنشىدەن، فليۋوروگرافيالىق زەرتتەۋ ۇردىسىندە اعزا راديواكتيۆتى ساۋلەلەنۋگە ۇشىرايدى، ال بۇل تۇسىنىك بارلىق ادامدى ۇرەيلەندىرەدى.

فليۋوروگرافيا نە ءۇشىن قاجەت؟

ارينە، بۇل دارىگەرلەردىڭ ەرىككەن ءىسى ەمەس. فليۋوروگرافيا - بۇل وكپە اۋرۋلارىنىڭ دياگوستيكاسىنداعى ءبىرىنشى قادامى. تۋبەركۋلەز دە بۇل تىزىمنەن ورىن الادى. فليۋوروگرافيا تۋبەركۋلەزدى، سۇيىقتىقتى، كەيىنگى قابىنۋلاردى، بوگدە زاتتاردى، تالشىقتار سكلەروزىن، ءارتۇرلى ەتيولوگيا ىسىكتەرىن، قاڭقا انومالياسىن، جۇرەك دەرتتانۋىن، قابىرعالار، يىق جانە ت. ب. اۋرۋلاردىڭ ديافراگماسىن كورۋگە مۇمكىندىك بەرەدى.

ادامدار دەنساۋلىعىنا ساۋلەلىك جۇكتەمەنىڭ زيانى بار ما؟

ارينە، ادام زەرتتەۋ كەزىندە يوندالعان ساۋلەلەنۋگە ۇشىرايدى، ءبىراق بۇل قۇبىلىس ازداعان سەكۋند ىشىندە جانە مولشەرى كۇنگە قىزدىرىنعاندا الاتىن 2-8 كۇندىك اسەرمەن تەڭ كەلەدى. سوڭعى جىلدارى زاماناۋي ساندىق تەحنولوگيالار ەنگىزىلدى، ال بۇل كلاسسيكالىق قابىرشاقتى (پلەنكالى) تاسىلمەن سالىستىرعاندا ۇلكەن قادام بولىپ كەلەدى. ساندىق اپپاراتتىڭ دەتەكتورى وتە سەزىمتالدى كەلەدى، ال بۇل ەمدەلۋشىنىڭ 10 ەسەگە دەيىن ساۋلەلىك مولشەردى تومەن قابىلداۋىنا، ساپالى ءتۇسىرىلىم الۋىنا مۇمكىندىك بەرەدى.

فليۋوروگرافيانىڭ قارسى كورسەتكىشتەرى. تەك ەرەكشە كورسەتكىشتەرى بويىنشا 15 جاسقا دەيىنگى بالالارعا زەرتتەۋ جۇرگىزۋگە بولادى، ال جۇكتى ايەلدەرگە فليۋوروگرافيادان وتۋگە مۇلدەم تىيىم سالىنعان. تەك ەرەكشە كورسەتكىشتەر بويىنشا عانا جۇكتىلىكتىڭ 36 اپتاسىنان سوڭ (اسا بايقامپازدىق شارالارمەن) زەرتتەۋدەن وتۋگە بولادى. ال ءبىرىنشى اپتادا نارەستەنىڭ دەنە مۇشەلەرى جاڭادان عانا قالىپتاسا باستاعاندا مۇنداي زەرتتەۋلەرگە مۇلدەم تىيىم سالىنادى.

ەسىڭىزدە بولسىن: فليۋوروگرافياعا نەمقۇرايلى قاراۋ تۋبەركۋلەزدى ۋاقىتىندا انىقتاۋعا كەدەرگىسىن كەلتىرەدى. زەرتتەۋدى تىس قالدىرۋشىلاردا وكپەنىڭ اسقىنعان قالپى ايقىندالادى. ولار قورشاعان ورتانى زاقىمداۋدىڭ كوزى بولىپ سانالادى. ەڭ قيىنى - بالالارعا جۇقتىرادى!

 

massaget.kz