عالىمدار: از ۇيىقتاۋ يممۋنيتەتتى السىرەتەدى

استانا. قازاقپارات - از ۇيىقتاۋ ادام اعزاسىنا كەرى اسەرىن تيگىزەتىنى بارلىعىنا بەلگىلى.

الايدا عالىمدار سوڭعى زەرتتەۋلەرىندە از ۇيىقتايتىن ادامداردىڭ يممۋنيتەتى السىرەيتىنىن انىقتادى.

ماماندار ءوز زەرتتەۋلەرىنە 23000 ەرىكتىنى قاتىستىرعان. ولار زەرتتەۋگە قاتىسقان ادامداردىڭ ۇيقى رەجيمىن باقىلاۋعا الدى.

ناتيجەسىندە 5 ساعات جانە ودان از ۇيىقتايتىندار تىنىس الۋ ورگاندارىنىڭ اۋرۋلارىنا ءجيى شالدىعاتىنى بايقالعان. ونداي ادامداردىڭ تۇماۋمەن اۋرۋى 20 پايىزعا ءجيى بولىپ، 7 ساعات ۇيىقتايتىن ادامدارمەن سالىستىرعاندا جۇقپالى اۋرۋلارعا 50 پايىز ءجيى شالدىعاتىنى انىقتالعان. سونىمەن بىرگە از ۇيىقتايتىن ادامدار تىنىس الۋ اۋرۋلارى مەن تاماق اۋرۋلارىنا 88 پايىز ءجيى شالدىققان.

ماماندار دۇرىس ۇيىقتاۋ دەنساۋلىقتىڭ كەپىلى ەكەنىن، ۇيقىعا كەم دەگەندە 8 ساعات ۋاقىت ءبولۋ كەرەكتىگىن ەسكەرتەدى، دەپ جازادى شەتەلدىك ب ا ق.