قانات يسلامنىڭ قاي كۇنى، كىممەن جۇدىرىقتاساتىنى بەلگىلى بولدى

استانا. قازاقپارات - قازاقستاندىق كاسىپقوي بوكسشى قانات يسلام 8- مامىر كۇنى كولۋمبيالىق بوكسشى حۋان دە انحەلمەن كەزدەسەدى، - دەپ حابارلايدى «قامشى» پورتالى.

«قارسىلاسىم حۋان دە انحەل - WBC نۇسقاسىندا ورتاشا سالماقتاعى الەم چەمپيونى. وسى ۋاقىتقا دەيىن 22 كەزدەسۋ وتكىزىپ، ونىڭ 17 ءىن نوكاۋتپەن جەڭگەن بوكسشى. ءبىز 8- مامىر كۇنى كەزدەسەتىن بولدىق»، - دەدى جەرلەسىمىز «قامشى» پورتالىنىڭ تىلشىسىنە.

قانات يسلام سونداي-اق، قازىر الدا وتەتىن باسقا دا ۇلكەن كەزدەسۋلەرگە قىزۋ دايىندىق ۇستىندە ەكەنىن ايتادى. قاناتتىڭ قازىر امەريكادا جاتتىعىپ جاتقانىن ەستەرىڭىزگە سالامىز.

سونىمەن، قانات يسلام مەن حۋان دە انحەلدىڭ كەزدەسۋى 8- مامىر كۇنى ا ق ش- تىڭ مايامي قالاسىندا وتەدى.