گوللانديا مەن يتاليا كومپانيالارى قازاقستان قالالارىن بىرەگەي وسىمدىكپەن كوگالداندىرۋدى ۇسىنادى - فوتو

استانا. قازاقپارات - بۇگىن استانادا گۇلدەر، جايلىلىق پەن ادەمىلىك اتتى اپتالىق باستالدى. شارا اياسىندا گۇلدەر مەن وسىمدىكتەر، گۇلزارلار، كوتتەدج قۇرىلىستارى مەن اباتتاندىرۋ جانە ديزاين باعىتىن قامتىعان كورمە اشىلىپ وتىر.

كورمەگە الەمنىڭ 12 ەلىنەن 120 عا تارتا كومپانيالار قاتىسۋدا. ونداعى ءاربىر الاڭدا بيزنەس-ارىپتەستىكتى دامىتۋ ءۇشىن جاعدايلار جاسالعان. ماسەلەن، وسىنداي الاڭدا «AstanaFloraExpo» بويىنشا گوللانديا، يتاليا مەن رەسەي كومپانيالارى قازاقستاندىق ماماندارمەن ىنتىماقتاستىققا ازىرلىگىن تانىتۋدا.

«بيىل «AstanaFloraExpo» كورمەسى وسىمەن 8- مارتە وتكىزىلۋدە. سونىمەن قاتار، بيىلعى جىلدىڭ باستى ەرەكشەلىگى گوللانديا مەن يتاليا وسىرۋشىلەرى وزدەرىنىڭ بىرەگەي وسىمدىكتەرىن، گۇلدەرىن ۇسىنىپ وتىر. بۇل وسىمدىكتەر قازاقستاندا وسىرىلمەيدى، سوندىقتان دا ولار قازاقستاننىڭ قالالارىن كوگالداندىرۋ ءۇشىن وتىرعىزۋ ماتەريالدارىن ۇسىنعىسى كەلەدى. ونداي ەرەكشە وسىمدىكتەردى استانا مەن الماتى قالالارىندا وتىرعىزۋ ۇسىنىلادى»، - دەيدى «AstanaFloraExpo»  مەنەدجەرى ايگەرىم سەرىكوۆا.

ونىڭ ايتۋىنشا، گوللانديالىق وسىمدىك وسىرۋشىلەر نەگىزىنەن جەكە جانە كوممەرتسيالىق باقشالار قۇرۋ ءۇشىن وسىمدىكتەر ۇسىنسا، يتاليالىق كومپانيالار باقشا، بولمە جانە كوشە وسىمدىكتەرىن وسىرۋمەن اينالىسادى. بۇدان بولەك، كورمەگە باقشا جانە جەمىس داقىلدارىنىڭ تۇقىمدارىنىڭ، وتىرعىزۋ ماتەريالدارىنىڭ ءىرى جەتكىزۋشىسى سانالاتىن «سادى روسسي» كومپانياسى دا العاش رەت قاتىسىپ وتىر. ولار ءدال وسىعان ۇقساس جەلىنى قازاقستاندا اشۋعا قىزىعۋشىلىق تانىتادى.

ايتا كەتەرلىگى، اپتالىق اياسىندا استانادا وسىمدىكتەر ءوسىرۋ مەن كوگالداندىرۋ تاقىرىپتارىن قامتىعان عىلىمي-تاجىريبەلىك كونفەرەنتسيا وتكىزۋ جوسپارلانعان. 60 تان استام كومپانيا وكىلدەرى شاقىرىلعان شارانىڭ باستى ماقساتى - ورتالىق ازيا ماماندارىنىڭ باسىن قوسىپ، تاجىريبە الماسۋ. ونىڭ بارىسىندا ەۋروپا قالالارىن كوگالداندىرۋ تاجىريبەسى تالقىلانىپ، بىلىكتى ماماندار بايانداما جاسايتىن بولادى.

گۇلدەر اپتالىعى 15- ساۋىرگە دەيىن «كورمە» ورتالىعىندا جالعاسادى.