ك. ءماسىموۆ ەۋرازيالىق ۇكىمەتارالىق كەڭەس وتىرىسىنا قاتىسۋدا
2016 -جىلى ۇكىمەتارالىق كەڭەسكە قازاقستان ءتوراعالىق ەتەدى.
وتىرىس قاتىسۋشىلارى ەۋرازيالىق ەكونوميكالىق وداق اياسىندا ىنتىماقتاستىقتىڭ سالالىق باعىتتارىن دامىتۋعا قاتىستى ينتەگراتسيالىق كۇن ءتارتىبى ماسەلەلەرىن جانە ينتەگراتسيالىق بىرلەستىككە قاتىسۋشى ەلدەر ەكونوميكالارىنىڭ ورنىقتى دامۋ شارالارىنىڭ كەڭ اۋقىمىن قارايدى.
ە ا ە و مۇشە- مەملەكەتتەر ۇكىمەتتەرىنىڭ باسشىلارى 2014 -جىلعى 29 - مامىردا قۇرىلعان ە ا ە و تۋرالى شارتتىڭ جەكەلەگەن ەرەجەلەرىندە كوزدەلگەن جانە وداققا مۇشە مەملەكەتتەردىڭ ەنەرگەتيكالىق قاۋىپسىزدىگىن قامتاماسىز ەتۋدى، الەمدىك شيكىزات نارىعىندا ولاردىڭ باسەكەگە قابىلەتتىلىگىنىڭ جالپى دەڭگەيىن ارتتىرۋدى قاراستىراتىن ە ا ە و مۇناي جانە مۇناي ونىمدەرىنىڭ ورتاق نارىقتارىن قالىپتاستىرۋ تۇجىرىمداماسىنىڭ جوباسىن ماقۇلداۋدى جوسپارلايدى.
سونىمەن قاتار، مۇشە- مەملەكەتتەردى ورنىقتى الەۋمەتتىك- ەكونوميكالىق دامىتۋدى قامتاماسىز ەتۋ جانە ولاردىڭ تەحنولوگيالىق الەۋەتىن ارتىرۋ بويىنشا ءبىرقاتار باعدارلامالىق قۇجاتتار قارالىپ، بەكىتىلەدى. ولاردىڭ ءبىرىنىڭ ىشىندە ەۋرازيالىق تەحنولوگيالىق پلاتفورما قۇرۋ جانە ونىڭ جۇمىس ىستەۋى تۋرالى ەرەجە جانە كەشەندى تەحنولوگيالىق شەشىمدەردى دايىنداۋ، ءوندىرۋ، ىسكە اسىرۋ، قىزمەت كورسەتۋىن قامتاماسىز ەتەتىن، سونداي- اق وداقتىڭ ونەركاسىپتىك كاسىپورىندارىنا وزگە دە ينجەنەرلىك- كونسۋلتاتسيالىق قىزمەتتەر كورسەتەتىن ەۋرازيالىق ينجينيرينگتىك ورتالىق قۇرۋ تۇجىرىمداماسى بار.
بۇدان باسقا، ەاەو مۇشە- مەملەكەتتەر ۇكىمەتتەرىنىڭ باسشىلارى ساۋدا- ەكونوميكالىق ىنتىماقتاستىق جانە جىبەك جولى ەكونوميكالىق بەلدەۋى قىتايلىق باستاماسى مەن ەۋرازيالىق ەكونوميكالىق وداقتىڭ ءتۇيىسۋى ماسەلەلەرىن تالقىلايدى.