وڭتۇستىك كورەيا قازاقستان ازاماتتارىن جاپپاي ەلدەن شىعارۋدا
بۇگىندە كورەيانىڭ قۇقىق قورعاۋ ورگاندارى قازاقستاننان كەلگەن 10-20 تۋريستى تاڭداپ، ەلىنەن بىرتىندەپ كەتىرىپ جاتىر.
وسى جىلدىڭ العاشقى ءۇش ايىن وڭتۇستىك كورەيادا وتكىزگەن 400 دەن استام قازاقستاندىقتار ميگراتسيالىق زاڭدى بۇزعانى ءۇشىن ەلدەن شىعارىلدى.
«كورەيا ميگراتسيالىق قىزمەتىنىڭ وكىلدەرى كەز كەلگەن قازاقستاندىقتان ەلگە نە ءۇشىن كەلگەنىن سۇراپ، تەكسەرىسكە الا الادى. كۇدىك تۋىنداعان جاعدايدا ولار ەلدەن شىعارۋعا قۇقىلى»، - دەيدى قازاقستان س ءى م كونسۋلدىق قىزمەت دەپارتامەنتىنىڭ ديرەكتورى ارداق ماديەۆ.
ەلىمىزدىڭ سىرتقى ىستەر مينيسترلىگى بۇل جايتقا الاڭداۋشىلىق بىلدىرۋدە. ولار زاڭسىز ميگرانتتاردىڭ قازاقستان يميدجىنە نۇقسان كەلتىرىپ جاتقانىن جانە وڭتۇستىك كورەيا ءبىر جاقتى ۆيزاسىز جۇيەنى الدىرىپ تاستاۋى مۇمكىن ەكەنىن ايتۋدا.
قازاقستان س ءى م- ءى وڭتۇستىك كورەيالىق ارىپتەستەرىنەن تەكسەرىس بارىسىندا ادال تۋريستەردىڭ زارداپ شەكپەۋىن سۇرادى.
ال كورەيا تۇبەگىندە دەمالۋدى كوزدەپ وتىرعاندارعا ءوزىنىڭ كەلۋ سەبەبىن تۇسىندىرەتىن ناقتى جاۋاپتاردى الدىن الا ازىرلەپ قويعان ابزال. سونىمەن قاتار، قايتۋ بيلەتى مەن تۋرفيرما نەمەسە كومپانيادان شاقىرتۋدىڭ بولعانى دا دۇرىس.