باراك وباما ءوزىنىڭ ەڭ ۇلكەن قاتەلىگىن مويىندادى
بۇل تۋرالى ول Fox News تەلەارناسىنا بەرگەن سۇحباتىندا مالىمدەگەن.
«بالكىم بۇل ليۆياعا باسقىنشىلىق جاساعاننان كەيىن كەلەسى كۇنى جوسپار قۇرا الماعانىم بولار؟ سول ساتتە مەن بۇل قادامدى دۇرىس دەپ سانادىم»، - دەدى باراك وباما. ال ەڭ ۇلكەن جەتىستىگى رەتىندە ول ءوزىنىڭ ەلىن ۇلى توقىراۋدان قۇتقارىپ قالعانىن اتادى.
ەسكە سالساق، 11 -ناۋرىز كۇنى وباما ەۋروپالىق كوشباسشىلاردى ليۆياداعى تارتىپسىزدىكتەرگە كىنالاعان بولاتىن. ول مۇنى، اسىرەسە سول كەزدەگى فرانسيا پرەزيدەنتى نيكوليا ساركوزي مەن ۇلى بريتانيانىڭ پرەمەر-ءمينيسترى دەۆيد كەمەرونعا قاراتىپ ايتقان بولاتىن.
وبامانىڭ ايتۋىنشا، فرانسۋز كوشباسشىسى ليۆياعا ارالاسقاننان كەيىن ءبىر جىل وتكەندە ءوز "تاعىنان" ايىرىلعان. ال بريتانيالىق ساياساتكەر وزگە ىستەرگە دەن قويىپ، بۇل جايتقا ەندىگى ارالاسپايتىن بولعان.
ليۆيالىق كوشباسشى مۋاممار كاددافيدى ا ق ش- تىڭ كومەگىمەن 2011 -جىلى ورنىنان كەتىرگەننەن كەيىن ەلدە 2016 -جىلدىڭ اقپانىنا دەيىن ەكى ۇكىمەت ورناعان بولاتىن. 2015 -جىلدىڭ 17 جەلتوقسانىندا حالىق بىرلىگى ۇكىمەتىن قۇرۋ تۋرالى شەشىم شىعارىلىپ، ونىڭ قۇرامى 15 -اقپاندا بەلگىلى بولدى.