قاراعاندىلىق وقۋشى ايگىلى بيلل گەيتستىڭ شاكىرتاقىسىن جەڭىپ الدى

استانا. قازاقپارات - قاراعاندىداعى مەكتەپ وقۋشىسى ميلليون دوللاردىڭ ۇشتەن ءبىر بولىگىن ولجالادى.

الايدا، جۇلدەسى اقشالاي ەمەس، الەمدەگى ەڭ بەدەلدى ج و و- نىڭ ءبىرى - ديۋك ۋنيۆەرسيتەتىنىڭ شاكىرتاقىسى تۇرىندە بولدى.

داريا اندرەيچەنكو شاكىرتاقى باعدارلاماسىنىڭ نەگىزىن قالاۋشىلاردىڭ ءبىرى بولىپ تابىلاتىن بيلل گەيتستىڭ گرانتىنا يە بولعان ءبىرىنشى قازاقستاندىق ازاماتشا بولدى، دەپ حابارلايدى حابار.

№38 -گيمنازيانىڭ وقۋشىسى داريا اندرەيچەنكو - ديۋك ۋنيۆەرسيتەتىنىڭ بولاشاق ستۋدەنتى. ۇ ب ت قورىتىندىلارى ونىڭ ستۋدەنتتىك ومىرىنە ەش اسەر ەتپەيدى، ءبىراق داريا سىناققا سىنىپتاستارىمەن بىردەي دايىندالىپ جاتىر.

«بۇل ج و و- عا 32 مىڭ ادامنان نەبارى 1700 ى وقۋعا تۇسەدى، ال بۇل شاكىرتاقىنى الەمدە تەك 8 ادام الادى. ماعان وندا وقۋعا ءتۇسىپ قانا قويماي، بۇل شاكىرتاقى ءفيناليسى بولعانىم جازىلعان حات كەلگەندە، مەن قاتتى تاڭىرقادىم، ولارعا «بۇل ءازىل ەمەس پە؟» دەپ جازدىم»، - دەيدى داريا اندرەيچەنكو.

داريا سات - ءبىزدىڭ ەلىمىزدەگى ۇ ب ت- عا ۇقساس سىناققا ءوزى دايىندالىپ، اعىلشىن تىلىنەن ەمتيحان تاپسىردى، ونلاين- سۇحباتتان ءوتتى. ناتيجەسىندە الەمدەگى ەڭ بەدەلدى ج و و- نىڭ بىرىندە ءبىلىم الۋعا شاقىرۋ الدى.