ۇيىمداستىرۋشىلار يليا يليننىڭ ريودا الەمدىك جاڭا رەكورد ورناتاتىنىنا سەنىمدى
20:36, 12 - ءساۋىر 2016
استانا. قازاقپارات - ريو وليمپياداسىنىڭ رەسمي سايتىندا ايتىلعانداي، ءدۇبىرلى جارىستى ۇيىمداستىرۋشىلار قازاقستاندىق اۋىر اتلەت يليا يليننىڭ الەمدىك جاڭا رەكورد جاسايتىندىعىنا سەنىمدى، دەپ حابارلايدى Sports.kz.
«ۇلتتىق وليمپيادا كوميتەتى تورتكۇل دۇنيە ونەرىنە تامساناتىن يليا يلين (قازاقستان)، لۋ سياوتسزيۋن (قىتاي)، تاتيانا كاشيرينا (رەسەي) جانە سۆەتلانا پودوبەدوۆا (قازاقستان) سەكىلدى سپورتشىلاردىڭ قاتىساتىندىعىن راستادى»، - دەپ اتاپ ءوتتى ريو وليمپياداسىنداعى اۋىر اتلەتتەر جارىستارىنىڭ مەنەدجەرى پەدرو مەلوني.
ول سونداي-اق، تاتيانا كاشيرينا مەن يليا يلين الەمدىك رەكوردتار جاساۋى ابدەن مۇمكىن ەكەنىن ايتتى.