پۋتين ەسكەرتۋسىز قارۋ قولدانۋعا رۇقسات بەرەتىن جاڭا گۆارديا قۇردى
20:18, 12 - ءساۋىر 2016
استانا. قازاقپارات - ۇلتتىق گۆارديا تىكەلەي پۋتينگە باعىنادى، ال ونىڭ اسكەرىنە ەسكەرتۋسىز قارۋ مەن كۇش قولدانۋعا رۇقسات بەرىلەدى دەپ جازادى ورتالىق ازيا جاڭالىقتارى.
رەسەيدىڭ ۇلتتىق گۆاردياسى قىسقارتىلعان تۇردە روسگۆارديا دەپ اتالاتىن بولادى. بۇل جونىندە رەسەي پرەزيدەنتى ۆلاديمير پۋتيننىڭ جاڭا كۇش قۇرىلىمى مەكەمەسىن قۇرۋ جونىندەگى جارلىعىندا ايتىلعان.
قۇجاتتا جاڭادان قۇرىلاتىن گۆارديا قوعامدىق ءتارتىپتى، تەرروريزم مەن ەكسترەميزممەن كۇرەستى، ۇيىمداسقان قىلمىستى باقىلاۋعا الادى، سونىمەن بىرگە فەدەرالدى قاۋىپسىزدىك قىزمەتىنە شەكارانى كۇزەتۋگە كومەكتەسەدى.
روسگۆارديانىڭ قۇرىلۋى جونىندە پۋتين 5- ساۋىردە جاريالادى. جاڭا كۇش قۇرىلىمى مەكەمەسىنىڭ باسشىسى ەتىپ، ول ءوزىنىڭ بۇرىنعى وققاعارى، ىشكى ىستەر ءمينيسترىنىڭ بۇرىنعى ورىنباسارى ۆيكتور زولوتوۆتى تاعايىندادى.
ۇلتتىق گۆارديا جونىندەگى زاڭ جوباسىنا سايكەس، ونىڭ ساربازدارى ەلگە جانە ونىڭ ازاماتتارىنا قاۋىپ تونگەن جاعدايدا، ەسكەرتۋسىز قارۋ قولدانا الادى.