گ. ءابدىقالىقوۆانىڭ توراعالىعىمەن «يادرولىق قارۋسىز الەم قالىپتاستىرۋ» حالىقارالىق كونفەرەنتسياسىنا دايىندىق ماسەلەلەرى جونىندە كەڭەس ءوتتى
كەڭەسكە پرەزيدەنت اكىمشىلىگى، ۇكىمەت، پارلامەنت سەناتىنىڭ اپپاراتى، ۋاكىلەتتى مەملەكەتتىك ورگاندار باسشىلىعىنىڭ وكىلدەرى قاتىستى.
گ. ءابدىقالىقوۆا مەملەكەت باسشىسىنىڭ العاشقى جارلىقتارىنىڭ ءبىرى سەمەي يادرولىق سىناق پوليگونىن جابۋ تۋرالى شەشىم بولعانىن اتاپ ءوتتى.
قازاقستان پرەزيدەنتى تاۋەلسىزدىكتىڭ 25 جىل بويى جاھاندىق يادرولىق قارۋسىزدانۋ جانە ونى تاراتپاۋ ماسەلەلەرىنە ەرەكشە كوڭىل ءبولىپ كەلەدى.
قازاقستان پرەزيدەنتىنىڭ بۇل سالاداعى باستامالارى 2016-جىلعى 31- ناۋرىز بەن 1- ءساۋىر ارالىعىندا ۆاشينگتون قالاسىندا (ا ق ش) وتكەن يادرولىق قاۋىپسىزدىك جونىندەگى سامميتتە جاھاندىق سەرپىلىس تۋدىردى. مەملەكەت باسشىسى «الەم. ХХІعاسىر» اتتى مانيفەست جاريالاپ، ول ب ۇ ۇ باس اسسامبلەياسىنىڭ جانە ب ۇ ۇ قاۋىپسىزدىك كەڭەسىنىڭ رەسمي قۇجاتى مارتەبەسىنە يە بولدى. قۇجاتتا بارشا ادامزاتتىڭ مۇددەسىن قورعايتىن وزەكتى تاقىرىپتار بويىنشا قازاقستاننىڭ ناقتى ۇستانىمى ايقىندالعان.
سەمەي يادرولىق سىناق پوليگونىنىڭ جابىلۋىنا ارنالعان حالىقارالىق كونفەرەنتسيا قازاقستان تاۋەلسىزدىگىنىڭ 25 جىلدىعى اياسىندا وتەتىن بولادى.
مەملەكەتتىك حاتشى كەڭەس قورىتىندىسى بويىنشا مەملەكەتتىك ورگاندارعا ءبىرقاتار تاپسىرما بەردى.