بۇل جاعداي جالعىزباستى ايەلدىڭ باسقانىڭ ومىرىنە دەگەن قىزعانىشىن وياتادى. ماماندار جالعىزباستى ايەلدەرگە تولىعىمەن الەۋمەتتىك جەلىلەردەن باس تارتۋدى ۇسىنادى.
زوي ستريمپەلدىڭ ايتۋىنشا، نازىك جاندىلار ينتەرنەتتەن وزىنە سەرىگىن بەلسەندى ىزدەيدى. الەۋمەتتىك جەلىلەردەگى كانديداتتاردىڭ (بولاشاق كۇيەۋ جىگىت) پروفيلدەرىنە قاراي قورىتىندى جاسايدى. كەيىن بۇل ەرلەر ونىڭ ومىرىندە بار دەپ سانايدى.
ءبىراق الەۋمەتتىك جەلى ارقىلى تانىستىق پەن بەتپە-بەت تانىستىقتىڭ اراسى جەر مەن كوكتەي. الەۋمەتتىك جەلىدەگى تانىسىڭىز سىزگە كومپيۋتەردىڭ بەتىندە كەرەمەت بولسا دا، شىنايى ومىردە باسقاشا بولۋى مۇمكىن.
Nielsen كومپانياسىنىڭ زەرتتەۋىنە قاراساق، امەريكالىقتار Facebook الەۋمەتتىك جەلىسىندەگى اڭگىمەلەسۋگە 53 ميلليارد مينۋت ۋاقىتىن كەتىرگەن ەكەن. الەمدىك ءىرى الەۋمەتتىك جەلى وسىلايشا ادامداردىڭ بوس ۋاقىتىن الۋدان ءبىرىنشى ورىندا.
سونىمەن قاتار باسقا دا الەۋمەتتىك جەلىلەر، بلوگپلاتفورمالار قانشاما نازىك جاندىنىڭ ۋاقىتى مەن ارمانىن الىپ جاتقانى بەيمالىم.