ماسكەۋدە «كولومەنسكوە» ساياباعىندا قۇمنان جاسالعان مۇسىندەر چەمپيوناتى وتەدى
09:30, 12 - ءساۋىر 2016
استانا. قازاقپارات - «كولومەنسكوە» مۇراجاي- قورىعىندا قۇمنان جاسالعان مۇسىندەر بويىنشا «عاجايىپ قۇم الەمى» چەمپيوناتى وتەدى، دەپ حابارلادى ماسكەۋ مەرى مەن ۇكىمەتىنىڭ سايتىنان.
فەستيۆال 30 -ساۋىردە باستالادى. ءبىر اپتا بويى رەسەي، ءۇندىستان جانە گوللانديا مۇسىنشىلەرى «جانۋارلار الەمى»، «ەرتەگىلەر الەمى»، «بولاشاق فانتاستيكاسى»، «بەيبىتشىلىك قالاسى»، «سۋ استى الەمى»، «بەلگىلى تۇلعالار»، «بەلگىلى ونەر تۋىندىلارى»، «كونە وركەنيەتتەر»، «ادامدار الەمى»، «وزگە پلانەتا الەمى» تاقىرىبىندا ءمۇسىن جاسايدى.
اتالىپ وتىلگەندەي، مۇسىنشىلەر رەسەيدەگى ەڭ بيىك قۇمنان جاسالعان ساراي قۇرۋدى جوسپارلاپ وتىر. ونىڭ بيىكتىگى سەگىز مەتردى قۇراماق.
جوبا الاڭىندا بالالارعا ارنالعان قۇم الاڭى جاسالادى.