قازاقستاننىڭ تەڭىز دەسانتى جارىستىڭ حالىقارالىق كەزەڭىنە دايىندالۋدا - فوتو
قورعانىس مينيسترلىگى باسپا ءسوز قىزمەتىنىڭ حابارلاۋىنشا، ىرىكتەۋگە 24 اسكەريدەن قۇرالعان 5 كوماندا قاتىسقان. جەڭىسكە جەتكەن كومانداعا عانا ارميا ويىندارىنىڭ جولداماسى بەرىلەدى.
جارىسقا قاتىسۋشىلار ۆزۆود قۇرامىندا دەسانتتاۋ، جۇگىرۋ، دەسانتتىڭ ۇرىس ماشيناسىنداعى جەكە جارىس، سونداي- اق ەكيپاجسىز ۆزۆود قۇرامىندا جەكە بياتلون، اتىس قارۋى مەن گراناتا اتقىشتاردان وق اتۋ سەكىلدى تەڭىز دەسانتىنىڭ جاۋىنگەرلىك تاپسىرمالارىن ورىندادى.
بايقاۋ ەكىنشى ۇلگىدەگى دەسانتتىڭ ۇرىس ماشينالارىندا نەمەسە ب ت ر-82-دە وتكىزىلدى. اسكەري قىزمەتشىلەر بايقاۋدىڭ ءتورت كەزەڭىنەن وتەدى. جەڭىمپاز كوماندا حالىقارالىق كەزەڭگە دايىندالادى.
وتكەن جىلى العاشقى ارميا حالىقارالىق ويىندارىندا تەڭىز جاياۋ اسكەرلەرى 3- ورىندى ەنشىلەگەن بولاتىن.
تەڭىز دەسانتشىلارى - بۇل تەڭىز دەسانتتىق وپەراتسيالارعا قاتىساتىن جانە جاۋىنگەرلىك ءىس- قيمىلداردىڭ وزگە دە تۇرلەرىندە سوققى جاساقتارى رەتىندە قولدانىلاتىن اسكەري قىزمەتشىلەر.