بۇل تۋرالى «ۆايناح» شەشەن- ينگۋش مادەني- اعارتۋ قوعامىنىڭ ءتوراعاسى دانيلبەك ساراتوۆ ءمالىم ەتتى.
ونىڭ ايتۋىنشا، ەلباسىمىز ءوز مانيفەسىندە سوعىستىڭ تامىرىنا بالتا شابۋ ادامزاتتىڭ ەڭ كۇردەلى وركەنيەتتىك مىندەتى ەكەندىگىن ايتىپ، سونىڭ جولدارىن كورسەتىپ بەردى. شىنىندا دا مەملەكەتتەر اراسىنداعى تالاستىڭ ءبارىن سوعىسپەن شەشۋگە بولمايدى.
«سوعىس قاي ۋاقىتتا دا سوعان ارالاسقانداردىڭ بارلىعىنا قايعى- قاسىرەت اكەلەدى. بۇل، اسىرەسە، وسى زۇلماتتى باستان وتكەرگەن حالىقتار جاقسى تۇسىنەدى. سونىڭ ىشىندە شەشەن حالقىنىڭ دا كورمەگەنى جوق. وتكەن عاسىردىڭ قىرقىنشى جىلدارى كۇشپەن، زورلىق- زومبىلىقپەن قازاقستانعا جەر اۋدارىلعان شەشەن جۇرتىنىڭ بۇگىنگى ۇرپاقتارى تەك بەيبىتشىلىك پەن تىنىشتىقتى قالايدى. سوندىقتان ءبىز ەلباسىنىڭ باستاماسىنا تولىق قولداۋ بىلدىرەمىز. مەملەكەت باسشىسىنىڭ ساياساتىن جۇزەگە اسىرۋ جولىندا ق ح ا مۇشەلەرى قولدان كەلگەننىڭ ءبارىن جاسايتىن بولادى. بىزگە كەرەگى - تۇراقتىلىق، ۇلتارالىق كەلىسىم مەن تاتۋلىق» ، دەدى د. ساراتوۆ.