ەكىنشى ورتا سالماقتاعى جاڭا الەم چەمپيونى گولوۆكينمەن ايقاسقا دايىن ەكەنىن ايتتى

استانا. قازاقپارات - WBO نۇسقاسى بويىنشا ەكىنشى ورتا سالماقتاعى جاڭا الەم چەمپيونى مەكسيكالىق حيلبەرتو راميرەس (34-0, 24 KO) WBA (Super), IBO, WBC (Interim)  جانە IBF نۇسقالارى بويىنشا ورتا سالماقتاعى الەم چەمپيونى قازاقستاندىق گەننادي گولوۆكينمەن (34-0, 31 ك و) جەكپە-جەككە ءازىر ەكەنىن ايتتى.

«مەن بارلىعىنا دايىنمىن. تيتۋلىم بار جانە قالاعان كەز كەلگەن بوكسشى مەنەن ونى الىپ كورسىن»، - دەگەن راميرەستىڭ سوزدەرىن كەلتىردى boxingnews24.com.

بۇل تۋرالى مەكسيكالىق لاس-ۆەگاستا MGM Grand ارەناسىندا ارتۋر ابراحاممەن (44-5, 29 KO) كەزدەسۋدەن كەيىن ءمالىم ەتتى. راميرەس تورەشىلەردىڭ ءبىراۋىزدى شەشىمىمەن ەكىنشى ورتا سالماقتاعى WBO جاڭا چەمپيونى اتاندى.

ايتا كەتۋ كەرەك، رايرەس ابراحاممەن كەزدەسەر الدىندا گولوۆكينمەن ايقاسۋعا نيەت بىلدىرگەن. «مەن گولوۆكينمەن جۇدىرىقتاسقىم كەلەدى. ويتكەنى ول ۇزدىك بوكسشى». ونىڭ پروموۋتەرى بوب ارۋم بۇل جەكپە-جەكتى ۇيىمداستىرۋدى جوسپارلاپ وتىرعانىن اتاپ ءوتتى.