ءۇندىستان بيلىگى عيباداتحانا ورتىنە قاتىستى وقيعانى تەرگەۋدى تاپسىردى

استانا. قازاقپارات - ءۇندىستان بيلىگى ەلدىڭ وڭتۇستىك باتىسىنداعى كەرالا شتاتىندا يندۋيستىك عياباداتحاناداعى ءورتتىڭ شىعۋ سەبەبىن انىقتاۋ ءۇشىن تەرگەۋ جۇرگىزۋدى تاپسىردى.

ايتا كەتەيىك اپاتتان 100 دەن استام ادام قازا تاپقان بولاتىن. 400 گە جۋىق ادام ءتۇرلى جاراقات الدى.

bbc اگەنتىگىنىڭ حابارلاۋىنشا، يندۋيستىك ءدىني مەيرام كەزىندەگى وت شاشۋ بارىسىندا پيروتەحنيكانىڭ جارىلۋى سالدارىنان الاپات ءورت شىققان. ءتىلسىز جاۋ تەز تارالىپ، عيماراتتى بەزەندىرگەن گۇل شوقتارى مەن ىلمە شامدارعا ىلىنگەن. ورتكە شىداماعان عيباداتحانا قابىرعاسى وپىرىلىپ قۇلاعان، سالدارىنان وتە كوپ ادام مەرت بولدى. ءتىپتى عيماراتتان 200 مەتر قاشىقتىقتا تۇرعاندار دا زارداپ شەككەن.

شتاتتىڭ ىشكى ىستەر ءمينيسترى رامەش چەننيتالا قايعىلى وقيعاعا بايلانىستى جان- جاقتى تەرگەۋ جۇرگىزىلەتىنىن ايتتى.

الدىمەن، پوليتسيا حرام اكىمشىلىگى مەن فەستيۆال اياسىندا مەرەكەلىك شارالاردى ۇيىمداستىرۋعا جاۋاپتى كومپانيانى جاۋاپكەرشىلىككە تارتۋدى جوسپارلاپ وتىر.

«ۇكىمەت مەرەكە كەزىندە عيماراتقا جاقىن جەردە وت شاشۋ پايدالانباۋ تۋرالى تىيىم جاريا ەتكەن. الايدا ول پۋتتينگالدە ورىندالماعان»، - دەپ مالىمدەدى شتاتتىڭ باس ءمينيسترى كرەالا وۋممەن چاندي.