پلۋتون بەتىنەن ورمەكشى تورىنا ۇقساس جارىقتار تابىلدى

استانا. قازاقپارات - NASA پلۋتون بەتىنىڭ جاڭا سۋرەتىن جاريالادى. وندا شاعىن پلانەتانىڭ مۇز جازىقتىعىنداعى ءبىر اۋماقتا التى جارىق انىق كورىنەدى.

New Horizons ميسسياسىنىڭ گەولوگتارى وسىعان ۇقساس نىسانداردىڭ كۇن جۇيەسىنىڭ پلۋتوننان باسقا بىردە-بىرىندە تابىلماعانىن اتاپ وتۋدە.

جارىقشاقتاردىڭ ىشىندە ەڭ ۇزىنى سولتۇستىكتەن وڭتۇستىككە قاراي باعىتتا ورنالاسىپ، 580 گە جۋىق شاقىرىمعا سوزىلىپ وتىر - ول سلەپنير اڭعارى اتاۋىنا يە بولدى.

پلۋتون بەتىنىڭ سۋرەتتەرىن 2015-جىلى 14- شىلدەدە New Horizons عارىش اپپاراتى تۇسىرگەن بولاتىن. اپپارات اسپان دەنەسىنەن 10 مىڭ شاقىرىم قاشىقتىقتان ءوتتى ءسويتىپ ادامزات تاريحىندا ترانسنەپتۋندىق نىسانعا ەڭ جاقىن باردى.

اۆتور: قانات مامەتقازى ۇلى