جوبانىڭ اپپاراتتىق بولىگىنە اۆيامودەلشىلەرگە تانىمال PixHawk اۆتوپيلوت، سونداي- اق Arduino تۇعىرناماسى پايدالانىلدى. باعدارلامالىق قامتىلىم Ardupilot اۆتوپيلوتىنان، اۆتوپيلوتتى MAVLink حاتتاماسىمەن قاشىقتان باسقاراتىن DroneKit-Python باعدارلاماسىنان جانە تراكتور توراپتارىن تىكەلەي باسقارۋ ءۇشىن جازىلعان باعدارلامالىق كودتان تۇرادى.
تراكتوردىڭ بۇل مودەلىندە باسقارۋشى بەلگىلەردىڭ كوپ بولىگى ەلەكترونيكانىڭ كومەگىمەن جۇزەگە اسىرىلعاندىقتان، شارۋاعا باسقارۋدىڭ مەحانيكالىق باسقارۋ تەتىكتەرىنە قاندايدا ءبىر تەتىك ورناتۋدىڭ قاجەتى بولماعان. ونىڭ ورنىن ەلەكتروندى سيگنال بەرەتىن سىم الماستىرعان.
وزدىگىنەن باسقارىلاتىن تەحنيكانى جابدىقتاۋ جونىندەگى وي شارۋاعا جيىن- تەرىن كەزىندە كومبايننىڭ جانىندا استىقتى قۇيدىرىپ الۋ ءۇشىن تىركەمەلى تراكتور جۇرگىزۋشىن تاپپاعاندا كەلگەن. ەكى اپتا بويى سۇرەڭسىز ءارى اقىسى از جۇمىسقا نيەتتىلەر بولمايدى، سونداي- اق وسى كەزدە وڭىردەگى ديحانداردىڭ بارىنە وسىنداي وكمەكشى قاجەت.
وزدىگىنەن باسقارىلاتىن تراكتور كومبايننىڭ قاسىندا ەندى قاتار جۇرە العانىنا قاراماستان، استىقتى جۇك كولىگىنە قۇيۋدى شارۋا كولىك رولىنە ءوزى وتىرىپ اتقارادى.