دجون كەرري ا ق ش جانە ناتو اسكەرلەرىنىڭ اۋعانستاندا قالۋىن تالقىلاۋ ءۇشىن كابۋلعا باردى

استانا. قازاقپارات - ا ق ش- تىڭ مەملەكەتتىك حاتشىسى دجون كەرري اۋعانستان استاناسى كابۋل قالاسىنا باردى، دەپ حابارلادى بي-بي-سي اگەنتتىگى.

 وندا ول اۋعانستان پرەزيدەنتى گاني اشراف جانە وزگە دە ەل بيلىگىندەگى باسشىلارمەن كەلىسسوزدەر جۇرگىزەدى.

 كەزدەسۋدىڭ باستى تاقىرىبى اقش جانە ناتو اسكەرلەرىنىڭ اۋعانستاندا قالۋىنا مۇمكىندىك بەرەتىن ەكىجاقتى كەلىسىم جانە قاۋىپسىزدىك سالاسىنداعى ىنتىماقتاستىقتى تاجىريبە جۇزىندە جۇزەگە اسىرۋ بولماق.