بەلگىسىز ادام ماسكەۋ مەتروسىنىڭ ۆاگونىندا وق جاۋدىردى
13:52, 09 - ءساۋىر 2016
استانا. قازاقپارات - بەلگىسىز ادام ماسكەۋ مەتروسىنىڭ كالۋگا-ريگا جەلىسىندەگى «پروفسويۋزنايا» ستانساسىندا جولاۋشىنى تاپانشامەن جاراقاتتادى، دەپ حابارلادى رەسەيلىك اقپاراتتىق اگەنتتىكتەر رەسەي ءى ءى م ماسكەۋ قالاسى بويىنشا باس باسقارماسىنىڭ باسپا ءسوز قىزمەتىنە سىلتەمە جاساپ.
وق تراۆماتيكالىق قارۋدان اتىلعان سىڭايلى.
ونىڭ الدىندا اتقىش زارداپ شەگۋشىمەن سوزگە كەلگەن.
كۋاگەرلەردىڭ ايتۋىنشا، زارداپ شەگۋشىىنىڭ باسىنا ەكى وق تيگەن.
شابۋىل جاساعان ادام «كالۋجسكايا» ستانساسىندا ۆاگوننان شىعىپ، وقيعا ورنىنان ءىز سۋىتقان، قازىر ونى ىزدەپ جاتىر. پوليتسيا وعان قاتىستى ولتىرۋگە قاستاندىق جاساۋ قىلمىسىمەن ءىس قوزعادى. بۇل باپ بويىنشا، ەر ادام 15 جىلعا باس بوستاندىعىنان ايىرىلۋى مۇمكىن.
زارداپ شەككەن ادام اۋرۋحاناعا جەتكىزىلدى، وعان دارىگەرلىك كومەك كورسەتىلۋدە.
بۇل سوڭعى كۇندەردە ماسكەۋ مەتروسىندا قارۋ قولدانۋ ارقىلى بولعان ەكىنشى وقيعا. 5- ساۋىردە «تاگانسكايا» ستانساسىندا ەكى ەر ادام سوزگە كەلىپ، ولاردىڭ ءبىرى ەكىنشىسىنە دەنە جاراقاتىن سالعان بولاتىن. كۇدىكتى كوپ كەشىكپەي ۇستالدى.