ب. قىستاۋوۆ «نۇر وتان» پارتياسى و ق و فيليالى ءتوراعاسىنىڭ ءبىرىنشى ورىنباسارى بولىپ تاعايىندالدى

استانا. قازاقپارات - «نۇر وتان» پارتياسى ءتوراعاسىنىڭ ءبىرىنشى ورىنباسارى ا. ي. مىرزاحمەتوۆتىڭ بۇيرىعىمەن قىستاۋوۆ بولاتبەك دۇيسەنبەك ۇلى ساياسي ۇيىمنىڭ وڭتۇستىك قازاقستان وبلىستىق فيليالى ءتوراعاسىنىڭ ءبىرىنشى ورىنباسارى بولىپ تاعايىندالدى.

بۇل تۋرالى و ق و اكىمىنىڭ باسپا ءسوز قىزمەتى حابارلادى.

بولاتبەك دۇيسەنبەك ۇلى 1973-جىلى وڭتۇستىك قازاقستان وبلىسى، قازىعۇرت اۋدانى، رابات اۋىلىندا دۇنيەگە كەلگەن.

ءبىلىمى جوعارى، ماماندىعى ەكونوميست جانە زووتەحنيك.

ەڭبەك جولىن 1990-جىلى «كۇيىك» اسىل تۇقىمدى قوي زاۋىتىنىڭ اسىل تۇقىم بولىمىندە ەسەپشى بولىپ باستاعان. 1995 -1996-جىلدارى وڭتۇستىك قازاقستان وبلىسى اكىمشىلىگىنىڭ ەكونوميكا باسقارماسىنىڭ جەتەكشى مامانى، 1996-2002-جىلدار ارالىعىندا وڭتۇستىك قازاقستان وبلىسىنىڭ قارجى باسقارماسىندا باس مامان، سەكتور مەڭگەرۋشىسى، ءبولىم مەڭگەرۋشىسى، 2002-2004-جىلدار ارالىعىندا تولەبي اۋداندىق قارجى ءبولىمىنىڭ مەڭگەرۋشىسى، 2004-2009-جىلدار ارالىعىندا قازىعۇرت اۋداندىق قارجى ءبولىمىنىڭ مەڭگەرۋشىسى، 2009-2012-جىلدار ارالىعىندا قازىعۇرت اۋدانى اكىمىنىڭ ورىنباسارى قىزمەتتەرىن اتقارعان.

2012-جىلعى ءساۋىر ايىنان باستاپ قازىعۇرت اۋدانىنىڭ اكىمى بولىپ ەڭبەك ەتكەن.