اسكەري ۇشقىشتار وتاندىق تىكۇشاقتاردا بىلىكتىلىگىن سىناپ كوردى - فوتو
«بۇل تىكۇشاق ىزدەستىرۋ-قۇتقارۋ، باسشىلىق قۇرامدى تاسىمالداۋ، سونداي-اق دەسانتتىق- كولىكتىك تاسىمالداۋ جۇمىستارىن ورىندايدى. ۇشۋدىڭ ەڭ جوعارى بيىكتىگى 5 مىڭ مەتر»، - دەدى ەس-145 ەكيپاجىنىڭ كومانديرى لەيتەنانت دميتري ياكۋنيەۆ.
قورعانىس مينيسترلىگىنىڭ باسپا ءسوز قىزمەتىنىڭ حابارلاۋىنشا، اسكەري ۇشقىشتار الەمدەگى ەڭ زاماناۋي تىكۇشاقتاردىڭ ءبىرى ەس-145 تىكۇشاعىندا ۇشقان. ەس-145 ەلىمىزدىڭ «ەۋروكوپتەر قازاقستان ينجينيرينگ» زاۋىتىندا قۇراستىرىلعان. بۇل زاۋىتتىڭ ءونىمى «KADEX-2016» حالىقارالىق كورمەسىندە ۇسىنىلاتىن بولادى. تىكۇشاق بارلىق زاماناۋي ستاندارتتارعا ساي كەلەدى. شۋىل دەڭگەيى تومەن، جىلدامدىعى جوعارى سيپاتقا يە.
«وقۋ-جاتتىقتىرۋ ۇشۋلارى جاۋىنگەرلىك دايارلىق جوسپارىنا سايكەس جۇرگىزىلەدى. بۇل - ءبىر اپتادا كۇندىزگى جانە تۇنگى 3-4 اۋىسىمدىق ۇشۋ. اسكەريلەردىڭ اۋە بولۋىنىڭ ورتاشا ۋاقىتى 5 ساعات شاماسىندا. جاۋىنگەرلىك تاپسىرمالاردى ارتتىرۋ بويىنشا ۇشۋ ۋاقىتى 8 ساعاتقا جەتۋى مۇمكىن»، - دەدى اۆياتسيالىق ەسكادريليا اۆياتسيالىق بۋىنىنىڭ اعا ۇشقىشى (19132 اسكەري ءبولىمى ارميالىق اۆياتسيانىڭ)، كاپيتان الەكسەي اليايەۆ.
اسكەري اۆياتسيا ۇشقىشتارىنىڭ جۇمىسى ادامنىڭ ەڭبەك قىزمەتىنىڭ اناعۇرلىم كۇردەلى تۇرلەرىنىڭ بىرىنە جاتقىزىلادى. تىكۇشاقتارىمىز كەز كەلگەن مەتەوجاعدايلاردا، تاۋلىكتىڭ كۇندىزگى جانە تۇنگى ۋاقىتىندا ۇشۋعا ارنالعان.