«شامامەن ءبىر اي بۇرىن مەن ءبىرىنشى رەت ستاندارتتالعان IQ- تەست تاپسىرىپ كورگىم كەلدى. تاياۋدا ونىڭ قورىتىندىسىن الدىم، قۋانىشىما وراي، 99 پروتسەنتيلي كورسەتكىشىن العانىم ءۇشىن مەنى Мensa International ۇيىمىنا كىرۋگە شاقىردى»، - دەپ جازدى ديماش Instagram الەۋمەتتىك جەلىسىندەگى پاراقشاسىندا.
ونىڭ ايتۋىنشا، قازىرگى ۋاقىتتا ۇيىمدا قازاقستاننىڭ باسقا وكىلى جوق. «مەن ەل يميدجىن وسى ۇيىمدا قولداعانىما قۋانىشتىمىن، ادامزات ينتەللەكتىنىڭ دامۋىنا دا قولداۋ ءارى ۇلەس قوسقىم كەلەدى»، - دەپ جازدى ديماش.
Mensa International - ينتەللەكتى كوەففيتسيەنتى جوعارى ادامداردى بىرىكتىرەتىن حالىقارالىق ۇيىم. ول 1946-جىلى اشىلعان. ستاندارتتالعان IQ تەستىلەۋىنەن 98 پايىزىنان اسىرىپ جيناعان كەز كەلگەن ادام ۇيىمعا مۇشە بولا الادى.