ق ر ءبىلىم جانە عىلىم ءمينيسترى گرانتتاردى كەپىلحاتپەن الماستىرۋدى ۇسىندى
بۇل تۋرالى كەشە ج و و رەكتورلارىمەن كەزدەسۋى كەزىندە ق ر ءبىلىم جانە عىلىم ءمينيسترى ەرلان ساعاديەۆ ءمالىم ەتتى.
(ۆاۋچەر (اعىلش. voucher - قولحات، راستاما قۇجات) - جازباشا كەپىلحات (كۋالىك، كەپىلدىك، ۇسىنىسحات)؛ تاۋارلارعا نەمەسە كورسەتىلەتىن قىزمەتتەرگە اقى تولەنگەنىن كۋالاندىراتىن راستاما قۇجات.)
«گرانتتارعا كەلەتىن بولساق، وتكەن اپتادا بۇل ماسەلە تالقىعا سالىندى. ول جيىنعا مەملەكەتتىك، جەكەمەنشىك جانە ۇلتتىق ۋنيۆەرسيتەتتەردىڭ رەكتورلارى قاتىستى. ولار ءبىراۋىزدان گرانتتاردىڭ ءبىرىڭعاي بولعانىن قولداپ وتىر. ەگەر بۇل وزگەرىس ەنگىزىلەتىن بولسا، 2017 -جىلى ەنگىزىلسىن دەگەن وتىنىشتەرىن دە ايتتى. راسىندا بۇل وتە ورىندى. رەكتورلاردىڭ پىكىرىنشە، قازاقستان بىرتىندەپ گرانتتاردىڭ گرۋزيالىق مودەلىنە كوشۋى ءتيىس. ياعني گرانتتاردى ۆاۋچەرلەرگە الماستىرۋ قاجەت»، - دەپ اتاپ ءوتتى مينيستر.
سونىمەن قاتار ول وسى جاڭاشىلدىقتى ەنگىزۋدىڭ تەتىكتەرىنە دە توقتالا كەتتى.
«بىلايشا ايتقاندا، مەملەكەت تۇلەككە ۆاۋچەر بەرەدى، ول كەز كەلگەن ۋنيۆەرسيتەتكە بارا الادى، ەگەر ج و و- داعى وقۋ اقىسى ۆاۋچەر قۇنىنان جوعارى بولسا، ستۋدەنت جەتپەي تۇرعان قاراجاتتى ءوزى تولەي الادى. ەگەر ج و و- عا بۇل ستۋدەنت كەرەك بولسا، ەگەر ول وليمپيادا جەڭىمپازى نەمەسە كەرەمەت تالانت يەسى بولسا، وندا بۇل جاعدايدا مەملەكەت نەمەسە ج و و- نىڭ ءوزى گرانت ءبولۋ ارقىلى كومەك كورسەتە الادى»، - دەدى ە. ساعاديەۆ.
اۆتور: جاسۇلان جولدىبايەۆ