ۇكىمەت «بولاشاق» ستيپەندياسىن تاعايىنداۋ ءۇشىن ۇمىتكەرلەردى ىرىكتەۋ قاعيدالارىنا وزگەرىستەر ەنگىزىلدى

استانا. قازاقپارات - ق ر ۇكىمەتى «بولاشاق» ستيپەندياسىن تاعايىنداۋ ءۇشىن ۇمىتكەرلەردى ىرىكتەۋ قاعيدالارىنا وزگەرىستەر ەنگىزدى.

قازاقستان رەسپۋبليكاسى ۇكىمەتىنىڭ قاۋلىسى

2016 -جىلعى 26 -ناۋرىز №158 استانا، ۇكىمەت ءۇيى

«بولاشاق» حالىقارالىق ستيپەندياسىن تاعايىنداۋ ءۇشىن ۇمىتكەرلەردى ىرىكتەۋ قاعيدالارىن بەكىتۋ جانە «بولاشاق» حالىقارالىق ستيپەندياسىن جۇمساۋ باعىتتارىن ايقىنداۋ تۋرالى» قازاقستان رەسپۋبليكاسى ۇكىمەتىنىڭ 2008 -جىلعى 11 -ماۋسىمداعى № 573 -قاۋلىسىنا وزگەرىستەر ەنگىزۋ تۋرالى

قازاقستان رەسپۋبليكاسىنىڭ ۇكىمەتى قاۋلى ەتەدى:

1.«بولاشاق» حالىقارالىق ستيپەندياسىن تاعايىنداۋ ءۇشىن ۇمىتكەرلەردى ىرىكتەۋ قاعيدالارىن بەكىتۋ جانە «بولاشاق» حالىقارالىق ستيپەندياسىن جۇمساۋ باعىتتارىن ايقىنداۋ تۋرالى» قازاقستان رەسپۋبليكاسى ۇكىمەتىنىڭ 2008 -جىلعى 11 -ماۋسىمداعى №573 -قاۋلىسىنا (قازاقستان رەسپۋبليكاسىنىڭ پ ءۇ ا ج- ى، 2008 ج. , № 30, 297-قۇجات) مىناداي وزگەرىستەر ەنگىزىلسىن:

كورسەتىلگەن قاۋلىمەن بەكىتىلگەن «بولاشاق» حالىقارالىق ستيپەندياسىن تاعايىنداۋ ءۇشىن ۇمىتكەرلەردى ىرىكتەۋ قاعيدالارىندا:

2-تارماقتىڭ 1) تارماقشاسى مىناداي رەداكسيادا جازىلسىن:

«1) «بولاشاق» حالىقارالىق ستيپەندياسى - قازاقستان رەسپۋبليكاسى ازاماتتارىنىڭ كۇندىزگى وقۋ نىسانى بويىنشا شەتەلدىك جەتەكشى جوعارى وقۋ ورىندارىندا وقۋى نەمەسە قازاقستان رەسپۋبليكاسىنىڭ زاڭناماسىنا سايكەس ايقىندالاتىن قىزمەتكەرلەردىڭ شەتەلدىك ۇيىمداردا تاعىلىمدامادان ءوتۋى ءۇشىن قازاقستان رەسپۋبليكاسىنىڭ پرەزيدەنتى تاعايىندايتىن ستيپەنديا؛»؛

3-تارماقتىڭ 2) تارماقشاسى مىناداي رەداكسيادا جازىلسىن:

«2) كونكۋرس جەڭىمپازدارىنىڭ وقۋى، تىلدىك كۋرستاردان ءوتۋى ءۇشىن ۇسىنىلاتىن شەتەلدىك جەتەكشى جوعارى وقۋ ورىندارىنىڭ، شەتەلدىك ۇيىمداردىڭ تىزىمىنە كىرەتىن شەتەلدىك جەتەكشى جوعارى وقۋ ورىندارىنىڭ جانە ولاردىڭ جانىنداعى مەديتسينالىق مەكەمەلەردىڭ بازاسىندا باسىم ماماندىقتار تىزبەسىنە سايكەس شەتەلدىك ۇيىمداردا، سونداي- اق تانىمال الەمدىك، وڭىرلىك عىلىمي- زەرتتەۋ ورتالىقتارىندا، كومپانيالاردا جانە سالالىق ۇيىمداردا ون ەكى ايعا دەيىنگى مەرزىممەن (تىلدىك كۋرستاردان ءوتۋ مەرزىمدەرىن قوسپاعاندا) قازاقستان رەسپۋبليكاسى ازاماتتارىنىڭ قاتارىنان رەسپۋبليكالىق كوميسسيا ايقىندايتىن قىزمەتكەرلەر ساناتتارىنىڭ تاعىلىمدامادان ءوتۋى ماقساتىندا تاعايىندايدى.»؛

4-تارماقتىڭ 5) تارماقشاسى مىناداي رەداكسيادا جازىلسىن:

«5) كونكۋرسقا قاتىسۋ ءۇشىن قۇجاتتار تاپسىرۋ كەزىندە قازاقستان رەسپۋبليكاسى ۇيىمدارىنىڭ رەسپۋبليكالىق كوميسسيا ايقىنداعان قىزمەتكەرلەر ساناتىنا جاتاتىن، كەمىندە 3 (ءۇش) جىل، ونىڭ ىشىندە ماماندىعىنىڭ تاڭداعان سالاسىندا سوڭعى 12 (ون ەكى) اي جالپى جۇمىس ءوتىلى بار تاعىلىمدامادان وتۋگە ۇمىتكەرلەرگە (بۇدان ءارى - تاعىلىمداماعا ۇمىتكەرلەر ساناتى)؛»؛

11-تارماقتىڭ ءۇشىنشى بولىگى مىناداي رەداكتسيادا جازىلسىن:

«قۇجاتتار وسى قاعيدالاردىڭ تالاپتارى مەن شارتتارىنا سايكەس كەلمەگەن جانە «ەلەكتروندى ۇكىمەت» ۆەب- پورتالى نە «ازاماتتارعا ارنالعان ۇكىمەت» مەملەكەتتىك كورپوراتسياسى ارقىلى ءوتىنىش بەرىلگەن كەزدە قۇجاتتار پاكەتى تولىق ۇسىنىلماعان جاعدايدا، اكىمشى «ەلەكتروندىق ۇكىمەت» ۆەب- پورتالى نە «ازاماتتارعا ارنالعان ۇكىمەت» مەملەكەتتىك كورپوراتسياسى ارقىلى ءوتىنىش بەرىلگەن كۇننەن باستاپ 2 (ەكى) جۇمىس كۇنى ىشىندە قۇجاتتاردىڭ تالاپتارعا سايكەسسىزدىگىن جويۋ جانە جەتىسپەيتىن قۇجاتتاردى ۇسىنۋ قاجەتتىلىگى تۋرالى دالەلدى جاۋاپ بەرەدى.».

2. وسى قاۋلى العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.

قازاقستان رەسپۋبليكاسىنىڭ پرەمەر- ءمينيسترى ك. ءماسىموۆ