ق ر ۆيتسە-پرەمەرى اسحانالار مەكتەپتىڭ قوسىمشا تابىس كوزى بولۋى كەرەك دەپ سانايدى

استانا. قازاقپارات - ق ر پرەمەر-ءمينيسترىنىڭ ورىنباسارى داريعا نازاربايەۆا مەكتەپتەر اسحانالارىن جالعا بەرۋ ارقىلى ەلەۋلى تابىستان قاعىلىپ وتىرعانىن ايتتى.

«سىزدەر اسحانانى جالعا بەرگەندى قالايسىزدار، ءبىراق تا بۇل تۇرعىدا ەلەۋلى تابىستان قاعىلىپ وتىرسىزدار. مەنىڭ ويىمشا، وزگەرىس ەنگىزىپ، مەكتەپتىڭ مىندەتىنە جۇكتەۋ كەرەك. وقۋ ورنى قىزمەتكەرلەردى ءوزى جالداپ، تابىس الۋى قاجەت»، - دەدى ۇكىمەت باسشىسىنىڭ ورىنباسارى بۇگىن استاناداعى № 81 «Astana English School» مامانداندىرىلعان گيمنازياسى مۇعالىمدەرىمەن جانە وقۋشىلارىمەن كەزدەسۋ بارىسىندا.

بۇل رەتتە د. نازاربايەۆا اسحانادان كەلگەن كىرىستى مەكتەپتەگى ماتەريالدىق-تەحنيكالىق قامتاماسىز ەتۋگە، ۇستازدارعا قوسىمشا تولەم جاساۋ، بالالار ءۇشىن ەكسكۋرسيالار مەن ساپارلاردى ۇيىمداستىرۋ سەكىلدى ماقساتتارعا جۇمساۋعا بولاتىنىن اتاپ ءوتتى.

«سوندىقتان دا اسحانانى مەكتەپكە قايتارعان دۇرىس دەپ سانايمىن»، - دەدى ول.

اۆتور: رۋسلان عابباسوۆ