جامبىل وبلىسىندا جاڭا اسفالت-بەتون زاۋىتى ىسكە قوسىلۋعا دايىن

استانا. قازاقپارات - جامبىل وبلىسىندا جاڭا اسفالت-بەتون زاۋىتى ىسكە قوسىلۋعا دايىن.

بۇل تۋرالى ورتالىق كوممۋنيكاتسيالار قىزمەتىنىڭ وڭىرلىك فيليالىندا وتكەن بريفينگتە جامبىل وبلىسى، سارىسۋ اۋدانىنىڭ اكىمى جايلىبايەۆ بەيبىتبەك شىندالى ۇلى ايتتى.

اۋدان اكىمىنىڭ سوزىنە سۇيەنسەك، «تاراز كولىك جولى» جاۋاپكەرشىلىگى شەكتەۋلى سەرىكتەستىگىنىڭ اسفالت-بەتون زاۋىتى وڭىرلىك يندۋستريالاندىرۋ كارتاسىنا 2015-جىلى ەنگىزىلدى. سالىناتىن ينۆەستيتسيا كولەمى 250,0 ميلليون تەڭگەنى قۇراپ 50 ادامدى جۇمىسپەن قامتاماسىز ەتەدى.

بۇگىنگى كۇنى وندىرىستىك بازادا قۇرىلىس-مونتاج جۇمىستارى اياقتالعان، زاۋىت جۇمىس جاساۋعا دايىن. سونىمەن قاتار، «بيزنەستىڭ جول كارتاسى-2020» باعدارلاماسى بويىنشا 37,0 ميلليون تەڭگەگە ەلەكتر قۋاتىن تارتۋ جوسپارلاندى، قازىرگى ۋاقىتتا قۇجاتتارى مەملەكەتتىك ساراپتامادا. جىلىنا 600,0 ميلليون تەڭگەنىڭ ءونىمىن ءوندىرۋ جوسپارلانىپ وتىر.