ايتىستىڭ ابىرويىن توكتى دەپ سىنعا قالعان قانات ءالجاپپاروۆ جاۋابىن بەردى

استانا. قازاقپارات - جاقىندا عانا وتكەن «جۇلدىزدى ايتىستى» سىنعا العاندار از ەمەس.

سونىڭ ىشىندە، تاياقتىڭ ءبىر ۇشى ءازىلقوي قانات ءالجاپپاروۆقا ءتيدى، دەپ جازادى Baistars.kz.

ەستەرىڭىزدە بولسا، وسىعان دەيىن Facebook قولدانۋشىسى تالعات جانىسباي قاناتتىڭ ونەرىنە قاتىستى نارازىلىعىن بىلدىرسە، ايتىسكەر اقىن امانجول التايەۆ Facebook پاراقشاسىندا قاناتتان كيەلى ونەردىڭ قۇتىن قاشىرماۋىن سۇرادى.

«قانات باۋىرىم، بويىڭدا ازاماتتىق نامىسىڭ بولسا، ۇلتتىق ونەرگە دەگەن قۇرمەتىڭ بولسا، ەندى ايتىس ساحناسىنا شىقپاۋىڭدى سۇرايمىن. ايتىس ونەرى ەرىككەننىڭ ەرمەگى ەمەس، ونەردى ولاي قورلاۋعا بولمايدى... قازاقتىڭ بالاسى بولساڭ ەندى قوي، اقىلىڭ جەتسە كەشىرىم سۇراساڭ دا ارتىق ەمەس. تورەعالي، ەركىن، روزا سەكىلدى اقىندىق تالانتى بار ونەر يەلەرىنىڭ ايتىسقا شىققانىن قولدايمىن، جىلى قابىلدايمىن. جانار، ۇلىقپان سەكىلدى ايتىستان اۋىلى الىس انشىلەرگە اقىلعا كەلىڭىزدەر دەمەكپىن. كيەلى ونەردىڭ قۇتىن قاشىرمايىق!»، - دەپ جازدى ايتىسكەر اقىن.

«مەن بۇل ايتىستا وزىمە بەرىلگەن تاپسىرمانى ورىنداپ شىقتىم. جانە شوۋ ايتىستىڭ باسى- قاسىندا ءجۇرسىن ەرمان اعا ءوزى جۇرگەننەن كەيىن قاتىسقان بولاتىنمىن. امانجول اعا تاراپىنان ايتىلعان سىن- پىكىرلەردى دۇرىس قابىلدايمىن. مىندەتتى تۇردە ودان ناتيجە شىعارۋعا تىرىسامىن»، - دەدى قانات ءالجاپپاروۆ.