قىتاي: شيان قالاسىندا قازاقستاندىق كونديتەر جانە ۇن ونىمدەرى ساتىلىپ جاتىر - فوتو
قازاقستاندىق ونىمدەردى ساتىپ الۋشىلاردىڭ ءبىرى شيان قالاسىنا جۇمىس ساپارىمەن بارعان ق ر اۋىل شارۋاشىلىعى ءمينيسترىنىڭ ورىنباسارى گۇلميرا يسايەۆا بولدى.
«دۇكەن سورەلەرىندە «Kazakh product» برەندىمەن ءونىمنىڭ كەڭ سپەكترى ۇسىنىلۋدا. وندا حالال - ەكولوگيالىق تازا ونىمدەر ساتىلىپ جاتىر. بۇل قازاقستاندىق ءونىمنىڭ ارتىقشىلىعى»، - دەدى ول قازاقستاندىق جۋرناليستەرگە بەرگەن سۇحباتىندا.
«تاياۋ كۇندەرى «قازاق ليزينگ» كومپانياسى قىتايعا كونديتەرلىك ونىمدەرىنىڭ العاشقى پارتياسىن اكەلدى. ونىمدەر قىتايلىق نارىققا ءتۇستى. ساتىلىم ينتەرنەت- دۇكەندەر ارقىلى بەلسەندى ساتىلۋ ۇستىندە. جۇمىستى جانداندىرۋدى جوسپارلاۋدامىز، - دەدى جۋرناليستەرگە «اتامەكەن» ۇ ك پ باسقارماسى ءتوراعاسىنىڭ كەڭەسشىسى س. مۇحامەديەۆ.
ەسكە سالساق، بيىل شياندىق «ايجيۋي» كومپانياسى س ق و- عا جىلىنا 160 مىڭ توننا قۋاتپەن ماي وڭدەيتىن زاۋىت قۇرىلىسى ءۇشىن 15 ميلليون دوللار ينۆەستيتسيا قۇيۋدى جوسپارلاۋدا. قىتايلىق كورپوراتسيا قازاقستان ەكونوميكاسىنا بارلىعى 60 ميلليون ش. ب. استام ينۆەستيتسيا سالۋعا نيەتتى.