سەيىتقازى ماتايەۆتىڭ ۇلى اسەت ماتايەۆ ءۇيقاماققا الىندى

الماتى. قازاقپارات - الماتىدا ق ر جۋرناليستەر وداعىنىڭ ءتوراعاسى سەيىتقازى ماتايەۆتىڭ ۇلى، «قازتاگ» ح ا ا جەتەكشىسى اسەت ماتايەۆقا قاتىستى بۇلتارتپاۋ شاراسى قابىلداندى.

بۇل تۋرالى قالالىق سوتتىڭ باسپا ءسوز حاتشىسى دياس مىرزاحمەتوۆ حابارلادى.

بوستاندىق اۋداندىق سوتى كۇدىكتىنى 2 ايعا ءۇيقاماققا الۋعا شەشىم شىعاردى. ايتا كەتۋ كەرەك، وسىدان 1 اي بۇرىن ق ر جۋرناليستەر وداعىنىڭ ءتوراعاسى سەيىتقازى ماتايەۆ پەن ونىڭ ۇلى، «قازتاگ» ح ا ا جەتەكشىسى اسەت ماتايەۆ ۇستالعان بولاتىن. الماتى قالاسى بويىنشا سىبايلاس جەمقورلىققا قارسى ءىس-قيمىل دەپارتامەنتى ق ر ق پ ك 128-بابى نەگىزىندە ولارعا بيۋدجەت قاراجاتىن اسا ءىرى كولەمدە جىمقىردى جانە اسا ءىرى كولەمدە سالىق تولەۋدەن جالتاردى دەگەن ايىپ تاقتى.

ۆەدومستۆونىڭ حابارلاۋىنشا، تەرگەۋ بارىسىندا اقپاراتتاندىرۋ جونىندەگى كوميتەت پەن «قازاقتەلەكوم» ا ق- نا مەملەكەتتىك ساياساتتى دامىتۋ مەن باسپا باسىلىمدارىنا ماتەريالدار جاريالاۋعا بولىنگەن 300 ميلليون تەڭگەدەن اسا قاراجاتتىڭ جىمقىرىلعانى انىقتالعان.

اتالعان ۆەدومستۆولار وسى ماقساتتا «قازتاگ» ح ا ا ج ش س جانە «ۇلتتىق باسپا ءسوز كلۋبى» قوعامدىق بىرلەستىگىمەن كەلىسىمدەر بەكىتكەن.

 سىبايلاس جەمقورلىققا قارسى ءىس- قيمىل ۇلتتىق بيۋروسىنىڭ الماتى قالاسى بويىنشا دەپارتامەنتىنىڭ حابارلاماسىندا اتالىپ وتىلگەندەي، اقپاراتتاندىرۋ كوميتەتى اۋدارعان 80 ميلليون تەڭگە كولەمىندەگى جانە «قازاقتەلەكوم» اۋدارعان 260 ميلليون تەڭگە كولەمىندەگى قارجىنى ۇلتتىق باسپا ءسوز كلۋبىنىڭ باسشىسى سەيىتقازى ماتايەۆ قولما- قول اقشاعا اينالدىردى. سونىمەن قاتار، تەرگەۋ انىقتاعانداي، زاڭسىز كاسىپكەرلىكپەن اينالىسقان ماتايەۆ 1,4 ميلليارد تەڭگە سوماسىنداعى قاراجاتتى قالتاسىنا باستى، 327 ميلليون تەڭگە كولەمىندەگى سالىق تولەمەدى.

سەيتقازى ماتايەۆ تا ءبىر ايدان بەرى ءۇيقاماقتا وتىر.

وتكەن اپتادا وسى ىسكە قاتىسى بار دەگەن كۇدىكپەن ق ر ينۆەستيتسيالار جانە دامۋ مينيسترلىگى اقپاراتتاندىرۋ جانە بايلانىس كوميتەتىنىڭ ەكس-باسشىسى بولات بەرسەبايەۆ، ونىڭ ورىنباسارى بەك ارپابايەۆ، «قازاقتەلەكوم» ا ق باسشىسى باتىر ماحامبەتاجيەۆ ۇستالعان بولاتىن.

 مەدەۋ اۋداندىق سوتىنىڭ شەشىمىمەن ولار دا ءۇيقاماققا الىندى.

ايتا كەتۋ كەرەك، ق ر اقپاراتتاندىرۋ جانە بايلانىس كوميتەتىنىڭ بىرنەشە لاۋازىمدى تۇلعالارى مەن «قازتاگ» ح ا ا، «قازاق تەلەكوم» وكىلدەرى اسا ءىرى كولەمدە مەملەكەت قارجىسىن جىمقىردى دەگەن كۇدىكپەن ۇستالعان بولاتىن.

تەرگەۋ 160 ميلليون كولەمىندە قارجى قولدى بولعانىن انىقتادى. بۇل قارجى 2010-2015 -جىلدارداعى مەملەكەتتىك ساياساتتى اقپاراتتىق قولداۋعا باعىتتالعان ەدى.

اۆتور: گۇلميرا عوسمانالي