ا ق ش- تا حوككەي تورەشىسى مۇزعا باسپەن قۇلاپ قايتىس بولدى

 استانا. قازاقپارات - امەريكانىڭ حوككەي ءاربيترى وليۆەر موسسو مۇزعا قۇلاپ، باسىنان جاراقات الىپ قازا تاپتى. بۇل تۋرالى امەريكالىق باسىلىم Denver Post حابارلادى.

وقيعا 18 - ناۋرىزدا سولتۇستىك امەريكانىڭ تومەنگى ليگاسىنىڭ «فەرريس ستەيت» پەن «ميچيگان تەك» اراسىنداعى پلەي- وفف ويىنىنىڭ الدىندا سپورتشىلاردىڭ دەنە قىزدىرۋى كەزىندە ورىن العان. قۇلاعان تورەشى شلەمسىز جالاڭباس بولعان ءارى قولىن قالتاسىنا سالىپ تۇرعان.

جاراقاتپەن اۋرۋحاناعا جەتكىزىلگەن 48 جاستاعى موسسو بىرنەشە كۇن وزىنە كەلمەي ەس- ءتۇسسىز جاتتى. سىرقاتتىڭ بەتى بەرى قارامادى.

 موسسونىڭ ارتىندا ءۇش بالاسى جانە ايەلى قالدى.