استانادا ستۋدەنت قىز تەك وتاندىق ءونىم ساتاتىن دۇكەن اشتى

استانا. قازاقپارات - الماتىلىق ستۋدەنت استانا قالاسىنان قازاقستاندا جاسالعان ونىمدەردى عانا ساتاتىن دۇكەن اشتى.

21 جاستاعى راحيما عازيزوۆا «جاس وركەن» باسىلىمىنا بەرگەن سۇحباتىندا كاسىبى جونىندە تولىعىراق ايتىپ بەردى.

ءال-فارابي اتىنداعى ق ا ز ۇ ۋ- دىڭ 4-كۋرس ستۋدەنتى كاسىپكەرلىكپەن 2 جىل بۇرىن اينالىسا باستاعان ەكەن. العاشىندا ول قۇربىسىمەن بىرگە اعىلشىن ءتىلىن ۇيرەتەتىن ورتالىق اشىپتى.

كەيىن استاناعا قىدىرىپ بارعان قىز ەلوردادا قازاقستاندىق ونىمدەر ساتاتىن دۇكەننىڭ جوق ەكەنىن بايقايدى. «جازعى دەمالىستا اتا-اناما استاناعا بارعان بولاتىنمىن. ول جاقتا IT جوبامەن، مەملەكەتتىك باسقارۋمەن، اۋىل شارۋاشىلىعى ونىمدەرىن شىعارۋمەن اينالىساتىن ادامدارمەن سويلەستىم. سوندا ءبىزدىڭ ىشكى ساۋدامىزدىڭ احۋالى ءماز ەمەس ەكەنىن اڭعاردىم. «ءوزىمىزدىڭ ەكونوميكامىزدى كوتەرۋ ءۇشىن نە ىستەۋگە بولادى؟» دەگەن وي كەلدى. ەلىمىزدە تەك وتاندىق ازىق-تۇلىكتەردى ساتاتىن دۇكەننىڭ جوق ەكەنى بەلگىلى. كوپ ويلانباي، وسى ءىستى قولعا الۋعا تاۋەكەل ەتتىم»، - دەيدى ستۋدەنت.

راحيما ءوزى اشقان دۇكەننەن ازىق-تۇلىكتىڭ كەز كەلگەن ءتۇرىن تابۋعا بولاتىنىن ايتىپ وتىر. «دۇكەندە ەت، ءسۇت، ۇن ونىمدەرىنىڭ بارلىعى بار. بالىق، جۇگەرى، بۇرشاق كونسەرۆىلەرى دە وزىمىزدەن شىعادى. شاشقا ارنالعان سۋسابىن، بالزام، جۋىناتىن گەل، سابىندار بار. بارلىعى دا ساپالى، ادەمى قاپتالعان. يىستەرى دە ءسانتۇرلى»، - دەدى ول.

ستۋدەنتتىڭ ايتۋىنشا، قازىر دۇكەندە 14 ادام جۇمىس ىستەپ جاتىر. اقپان ايىندا اشىلعان دۇكەننىڭ ساۋداسى كۇننەن-كۇنگە ۇلعايىپ كەلەدى ەكەن.

ايتا كەتەيىك، راحيما عازيزوۆا قازىر ق ا ز ۇ ۋ- دا «شەتەل فيلولوگياسى» ماماندىعى بويىنشا ءتالىم الىپ جاتىر. جۋىردا ول لوندون ۋنيۆەرسيتەتىنە (University College London) مەنەدجمەنت سالاسى بويىنشا ماگيستراتۋراعا گرانت ۇتىپ الدى. سونىمەن قاتار، راحيما الەمدەگى ۇزدىك بەس وقۋ ورنىنا كىرەتىن ءمادريدتىڭ بيزنەس ۋنيۆەرسيتەتىنە ەمتيحان تاپسىرۋ ۇستىندە. ول و س ۋ وقۋ ورنىنا ءتۇسۋ ارمانى ەكەنىن ايتتى.