بالىق مايىنىڭ پايداسى مول
ولاردىڭ پىكىرىنشە ءتۇرلى دارىلەرمەن ەمدەلگەننەن گورى بالىق مايىنىڭ شيپاسى مولىراق ەكەن جانە ءبىز ءوز اعزامىزدى حيميالىق ۋلاندىرۋدان ساقتاي الامىز.
بۇگىندە وتاندىق ماماندارىمىزدىڭ دەرەكتەرىنە سۇيەنسەك، بالىق مايى كەۋدە وبىرىن توقتاتۋعا نە بولماسا كىشىرەيتۋگە كوپ اسەرىن تيگىزەدى ەكەن. قىتاي عالىمدارىنىڭ پىكىرىنشە، وبىرمەن اۋىراتىن ادامداردىڭ اعزاسىندا ومەگا 3 امين قىشقىلى وتە از بايقالعان. اسىرەسە بالىق مايىن جۇكتى ايەلدەر كوپ ىشكەنى ءجون. EPA جانە DHA كومبيناتسياسىن 650م گ نە بولماسا 1000م گ مولشەر شاماسىندا ءىشۋى كەرەك، بالىق مايىن ءىشۋدى جۇكتىلىك جانە ءسابيدى ەمىزۋ كەزىندە دە جالعاستىرۋعا بولادى. بۇدان ادام يممۋنيتەتىنە زيان جوق. بالىق مايى قانداعى ە كونتسەنتراتسياسىن تومەندەتەدى، سوندىقتان ە دارۋمەندەرىن قاتار قولدانۋى قاجەت.
مامانداردىڭ ايتۋىنشا، جۇماسىنا كەم دەگەندە 140 گرامدىق ەكى پورتسيا بالىق جەۋ كەرەك، اسىرەسە كوكتەم كەزىندە اعزانىڭ ورنىنا كەلۋىنە كومەكتەسەدى ەكەن. بالىق قۇرامىندا مينەرالدار، پروتەيندەر جانە كوپ ءتۇرلى دارۋمەندەر، ومەگا 3, ومەگا 6, ومەگا 9 امين قاشقىلدارى بارشىلىق. سۇيەگىمەن جەيتىن ساردين، لوسوس بالىقتارىندا فوسفور جانە فتور كوپ مولشەردە كەزدەسەدى. كالتسيي سۇيەكتى قاتايتادى، فوسفور اعزاعا كەرەك فۋنكتسيالاردى كۇشەيتەدى، ال فتور ءتىستى بەكىتەدى. بالىق مايىنداعى ا دارۋمەنى اعزانى تازارتادى، زياندى ۆيرۋستاردى جويادى، سونىمەن قاتار ادام تەرىسىنىڭ فۋنكتسياسىن جاڭعىرتادى. كوز جانارىنىڭ كورۋ السىزدىگى بايقالعان تۇستا سەمگا بالىعىنىڭ مايىمەن ەمدەۋگە بولادى. ناتيجەسى وتە وڭدى.
جالپى بالىق مايى - ادام اعزاسىنا قاجەتتىلىگى جاعىنان ءبىرىنشى ورىندا تۇرعان ازىق. ال بالىقتىڭ: پاتشا بالىعى، ساردينى، سكۋمبريا، سەمگا، لوسوس، الابۇعا، سازان سياقتى تۇرلەرىن ءجيى جەۋ قاجەت. بۇلاردىڭ تىسكە، سۇيەكتىڭ قاتايۋىنا پايداسى زور. بالىق ەتىندە تەمىر كوپ. ول ىسىك اۋرۋلارىنىڭ الدىن الۋعا كومەكتەسەدى.
islam.kz