ناۋرىز كوجە قالاي جاسالادى؟

استانا. قازاقپارات - ناۋرىز كوجە - ۇلىستىڭ ۇلى كۇنى جاسالاتىن قاسيەتتى اس.

وعان تارى، ارپا، بيداي، بۇرشاق، كۇرىش سياقتى جەتى ءتۇرلى ءدان مەن اق قوسىلادى.

تۇركى حالىقتارىنىڭ ۇعىمىندا جەتى سانى قاسيەتتى سانالعاندىقتان، ناۋرىز كوجەگە جەتى ءتۇرلى ءدام قوسىلادى. وعان قوسا، ول - توقشىلىق پەن ىرىس قۇتتىڭ جورالعىسى.

تومەندە ناۋرىز كوجەنىڭ دايارلانۋ ۇلگىسىن ۇسىنىپ وتىرمىز.

قۇرامى: 1 كەلى ەت

قازى، قارتا

100 گرام بيداي

100 گرام كۇرىش

100 گرام جارما (پەرلوۆكا)

100 گرام تارى

تۇز

3 ليتر سۋ

1 ليتر ايران

قازانعا سۋ قۇيىپ، ەت، قازى- قارتانى سالىپ، قايناتىڭىز. العاش قايناعاندا سورپانىڭ كوبىگىن الۋدى ۇمىتپاڭىز. 1,5-2 ساعاتتاي قايناتىپ، ەتتى ءسۇزىپ الىڭىز. ەندى داندەردى جاقسىلاپ جۋىپ، ءبىرىنشى بيدايدى سالىپ، 5 مينۋت قايناتىڭىز. ەكىنشى جارمانى جانە كۇرىشتى سالىپ، 5 مينۋت قايناعان سوڭ، تارىنى سالىڭىز. تالعامىڭىزعا قاراي تۇزداڭىز. داندەر ءپىسىپ بولدى-اۋ دەگەندە وتتان ءتۇسىرىپ، سالقىن جەرگە قويىڭىز. قازاننان تۇسىرىلگەن ەتتەردى ۇساقتاپ تۋراپ، بارلىعىن سورپاعا ايرانمەن قوسىپ ارالاستىرىڭىز.

ناۋرىز كوجە ىشىلەردە اقساقالدار:

قارىق قىپ قۇتتى ناۋرىز،

قازانعا تولسىن سارى ۋىز.

قايناسىن ناۋرىزكوجە دە،

تولتىرىپ ىشكەي كەسەڭە.

ۇلىستىڭ ۇلى كۇنىندە،

كوپپەنەن بىرگە كۇلىمدە.

كوبەيسىن جاڭا دوستارىڭ،

مولايسىن ەلگە قوسقانىڭ.

جاراسىپ كوڭىل حوشتىعى،

بەكىسىن حالىق دوستىعى.

ىشىندە جۇرسە ازعانا،

شايىلسىن وكپە، ناز- نالا.

الدىعا سىيماي سابيلەر،

قۇشاعىن جايسىن جاڭا ۇيلەر.

جاستاردىڭ سامساپ وتاۋى،

مەيىرىم توكسىن وتانى.

اسپەتتەپ اتا ءداستۇرىن،

اسەم بوپ ءوسسىن جاس بۋىن.

كىربىڭ تارتپاسىن كارىلەر،

 بارىڭنىڭ ءدامدى ءنارىن بەر! - دەپ باتا بەرگەن.

اقپارات عالامتوردان الىندى.