شىمكەنتتە ءجۇز جىلدان كەيىن قايتا جاڭعىرعان فەستيۆال ءوتتى - كەسكىن

استانا. قازاقپارات - شىمكەنتتەگى قوشقار اتا وزەنىنىڭ بويىندا ەل ىشىندە ۇمىت بولا باستاعان فەستيۆال ءوتتى.

بۇرىندارى ۇلى جىبەك جولى بويىندا جاتقان كونە شاھار تۇرعىندارى ەرتە كوكتەمدە «سايل قوشقار- اتا» مەرەكەسىن ۇيىمداستىراتىن. بۇگىن قايتا جاڭعىرعان فەستيۆالدە سپورتتىق جارىستار ءوتىپ، جەرگىلىكتى قولونەر شەبەرلەرىنىڭ كورمەسى مەن مادەنيەت مايتالماندارىنىڭ كونتسەرتى جانە مەرەكەنىڭ تاريحى تۋرالى تەاترلاندىرىلعان كورىنىستەر قويىلدى.

كوكتەم فەستيۆالىندە ەرتەرەكتە مالدى قۇرباندىققا شالسا، بۇل جولى اسىلتۇقىمدى قوشقارلار كورمەسىن وتكىزدى. ولاردىڭ ءىرىسى 125 كەلى تارتادى. المەرەكەگە جينالعان كىل مىقتىلار 85 كەلىلىك قوشقاردى يىقتارىنا سالىپ كوتەرۋدەن سايىسقا ءتۇستى. اۋدارىسپاقتان ەل نامىسىن قورعاپ جۇرگەن تاقىمى مىقتى جىگىتىمىز ازيا چەمپيونى ءبىرجان قوساليەۆ قوشقاردى 34 رەت كوتەرىپ، جەڭىمپاز اتاندى.

ءبىرجان قوساليەۆ، سايىس جەڭىمپازى:

- دايىندىق بولعاندا قوشقار كوتەرۋگە دايىندالعان جوقپىن. اۋدارىسپاق، كوكپارعا دايىندىعىم بار. جۇگىرىپ، تاس كوتەرىپ، كىشكەنە دايىندىق قىلامىز. سونىڭ كوپ كومەگى ءتيدى.

كەڭەس يسمايلوۆ، قازىلار القاسىنىڭ مۇشەسى:

- اتا-بابامىزدان قالعان ءداستۇردى جانداندىرىپ جاتىرمىز. بۇل نەگىزىندە سايىل-قوشقار اتانى ارى قاراي دامىتۋعا بولادى. تۋريستىك سالا بويىنشا ءتۇرلى- ءتۇرلى يدەيالاردى ەنگىزۋگە بولادى.

24.kz