ۇلتتىق كيىمدى كيۋگە ايرىقشا ءمان بەرگەن دۇرىس - ق. سارتقوجا

استانا. قازاقپارات - ۇلتتىق كيىمدى تەك مەرەكە كۇندەرىندە عانا كيگەن دۇرىس ەمەس.

بۇل تۋرالى بۇگىن استاناداعى ق ر تۇڭعىش پرەزيدەنتى - ەلباسى كىتاپحاناسىندا ل. ن. گۋميلەۆ اتىنداعى ە ۇ ۋ تۇركولوگيا جانە التايتانۋ عىلىمي زەرتتەۋ ينستيتۋتىنىڭ ديرەكتورى قارجاۋباي سارتقوجا ءمالىم ەتتى.

«جالپى ءبىز ۇلت رەتىندە ۇرپاقتارىمىزدى، جاس بۋىندى ۇلتتىق تاريحىمىزدى نەگىزگە الىپ، تاربيلەۋىمىز كەرەك. سونىمەن قاتار شەنەۋنىكتەردىڭ ۇلتتىق تاريحتى وتە جاقسى ءبىلۋى ماڭىزدى. وسى دارەجەدە ناسيحاتتاي الساق، ۇلتتىق سالت-ءداستۇرىمىزدى ءتيىستى دەڭگەيدە ساقتاي الامىز»، - دەيدى ق. سارتقوجا.

ۇلتتىق كيىم ماسەلەسىنە توقتالعان عالىم، «ءبىز نەگىزىنەن ەۋروپالىق ۇلگىدەگى كيىمدەردى كيىپ ءجۇرمىز. كەزىندە ءبىزدىڭ ۇلتتىق كيىمدەرىمىز قانداي كەرەمەت ەدى. قازىرگى كەزدە ديزاينەرلەرىمىز وسى كيىمدەردى جاڭعىرتىپ، شىعارىپ جاتقانى قۋانىشتى. وسىنى بۇكىل حالىقتىق دارەجەگە شىعارۋىمىز قاجەت. تويدا نەمەسە مەرەكەدە عانا ەمەس، جالپى كۇندەلىكتى كيىپ جۇرەتىندەي ماقساتتى قويۋ كەرەك. بۇل ءوز كەزەگىندە ەلىمىزدە ۇلكەن بەتبۇرىس بولار ەدى»، - دەيدى تۇركولوگ عالىم.

ايتا كەتەيىك، ەلباسى كىتاپحاناسىنداعى قارجاۋباي سارتقوجانىڭ جاستارمەن كەزدەسۋى قازاقستان تاۋەلسىزدىگىنىڭ 25 جىلدىعىن مەرەكەلەۋ اياسىنداعى «ۇلى دالا داستۇرلەرى» ايلىعىنا ارنالعان.

اۆتور: رۋسلان عابباسوۆ